Aizawl | Sept 25, 2025: MPCC Spokesperson leh Gen.Secy Dr. Lallianchhunga chuan vawiin khan Sairang - Kawnpui inkar National Highway chhiat lutuk avanga lirthei tangkhang mekte chu a hmunah tlawhin, an harsatna a enpui.
Dr Lallianchhunga chuan, “Kumin July thlaa kawngpui chhiat lutuk avanga ni tam tak bungraw phur lirthei an tân hnu khan September thla-ah kawngpui chhiat lutuk vang bawkin bungraw phur lirthei tam tak tunah an tangkhang leh mêk a ni. Helai, National Highway-306 hi a siam ṭhat hna thawh mek a nih avangin sorkar hmasa hunah pawh harsatna chu a awm tho va, mahse ZPM sorkar hunlai ang em em chuan bungraw phur lirthei ten harsatna lian tham an tawk ngai lo va. Sairang leh Khamrang inkar hi KM 20 bawr vel lek a ni chungin, Khamrang atanga Sairang thlen nan bungraw phur lirthei ten Ni 3 te an mamawh hial a ni.
He kawngpui hi Sept 2024 atangin thla 10 chhung Mizoram sorkar kutah a awm a, kumin (2025) July ni 7 ah NHIDCL kutah pek leh a ni chauh a. Mizoram sorkar kuta a awm chhung hian ZPM sorkarin kawngpui siamah mawhphurhna a la ngam leh si lo va, kawngpui chhiat chhana sorkar hmasate a mawhpuh rei mah mah avangin hetiang dinhmun chhe tak hi tawk kan ni a. Bungraw phur lirthei ten harsatna an tawh nasat tak em avangin helai kawngpui, NH-306 siam mek hi ZPM Minister leh MLA ten nitin a inchhawka kawng siam an vilna hmun kha a ni a. Chuti chungin thla hnih pawh a liam hmain heti khawp hian a chhe leh hman a. ZPM Minister leh MLA ten kawngpui siam an invil chhawk kha POLITICAL DRAMA mai a nih zia a lang chiang hle a ni. NHIDCL leh an Contractor ten ZPM Minister leh MLA te kha an ngai pawimawh lo hle tihna a ni” a ti.
Dr Lallianchhunga chuan, “Mizoram chhunga NHIDCL hnuaia kawngpui siam a tlo lo vek hi a mak hle. Aizawl leh Champhai inkar kawngpui pawh chhia a tam leh tawh hle. State dangah tha taka kawngpui an siam theih laiin Mizoramah NHIDCL ten kawngpui tha leh tlo min siamsak thei lo hi a chhan kan zawn chhuah a ngai a, Congress party chuan NHIDCL hnathawh dan hi chik leh zualin a enzui zel dawn a ni” a ti.
Road Cess chungchang sawiin, Dr Lallianchhunga chuan, “Mizoram sorkarin kawngpui siamna tur atan Kumin (2025) April – August chhungin Road Maintenance Cess atangin cheng nuai 2349 chuang (Rs.23,49,65,447) a hmu tawh a. Kawng siamna atan mipui thawh khawm sum a awm a, mahse SIAM TUMNA TAK TAK a awm lo ni berin ka hria” a ti bawk.
Dr.Lallianchhunga hi MPYCC Gen. Secy pahnih David Zochhuanmawia leh C Lalrochhara ten an tawiawm a ni.
PRESS RELEASE
‘Mizoram chhunga NHIDCL kawngpui siam a tlo lo vek’
- MPCC Spokesperson Dr Lallianchhunga
Vawiin, September 25, 2025 hian Dr. Lallianchhunga, MPCC Spokesperson leh Gen.Secy ni bawk chuan Sairang to Kawnpui inkar National Highway chhiat lutuk avanga lirthei tangkhang mekte chu a hmunah tlawhin, an harsatna a enpui.
Dr.Lallianchhunga chuan, “Kumin July thlaa kawngpui chhiat lutuk avanga ni tam tak bungraw phur lirthei an tân hnu khan September thla-ah kawngpui chhiat lutuk vang bawkin bungraw phur lirthei tam tak tunah an tangkhang leh mêk a ni. Helai, National Highway-306 hi a siam ṭhat hna thawh mek a nih avangin sorkar hmasa hunah pawh harsatna chu a awm tho va, mahse ZPM sorkar hunlai ang em em chuan bungraw phur lirthei ten harsatna lian tham an tawk ngai lo va. Sairang leh Khamrang inkar hi KM 20 bawr vel lek a ni chungin, Khamrang atanga Sairang thlen nan bungraw phur lirthei ten Ni 3 te an mamawh hial a ni.
He kawngpui hi Sept 2024 atangin thla 10 chhung Mizoram sorkar kutah a awm a, kumin (2025) July ni 7 ah NHIDCL kutah pek leh a ni chauh a. Mizoram sorkar kuta a awm chhung hian ZPM sorkarin kawngpui siamah mawhphurhna a la ngam leh si lo va, kawngpui chhiat chhana sorkar hmasate a mawhpuh rei mah mah avangin hetiang dinhmun chhe tak hi tawk kan ni a. Bungraw phur lirthei ten harsatna an tawh nasat tak em avangin helai kawngpui, NH-306 siam mek hi ZPM Minister leh MLA ten nitin a inchhawka kawng siam an vilna hmun kha a ni a. Chuti chungin thla hnih pawh a liam hmain heti khawp hian a chhe leh hman a. ZPM Minister leh MLA ten kawngpui siam an invil chhawk kha POLITICAL DRAMA mai a nih zia a lang chiang hle a ni. NHIDCL leh an Contractor ten ZPM Minister leh MLA te kha an ngai pawimawh lo hle tihna a ni” a ti.
Dr.Lallianchhunga chuan, “Mizoram chhunga NHIDCL hnuaia kawngpui siam a tlo lo vek hi a mak hle. Aizawl leh Champhai inkar kawngpui pawh chhia a tam leh tawh hle. State dangah tha taka kawngpui an siam theih laiin Mizoramah NHIDCL ten kawngpui tha leh tlo min siamsak thei lo hi a chhan kan zawn chhuah a ngai a, Congress party chuan NHIDCL hnathawh dan hi chik leh zualin a enzui zel dawn a ni” a ti.
Road Cess chungchang sawiin, Dr.Lallianchhunga chuan, “Mizoram sorkarin kawngpui siamna tur atan Kumin (2025) April – August chhungin Road Maintenance Cess atangin cheng nuai 2349 chuang (Rs.23,49,65,447) a hmu tawh a. Kawng siamna atan mipui thawh khawm sum a awm a, mahse SIAM TUMNA TAK TAK a awm lo ni berin ka hria” a ti bawk.
Dr.Lallianchhunga hi Tv David Zochhuanmawia Gen. Secy, MPYCC leh Tv C. Lalrochhara Gen. Secy, MPYCC ten an tawiawm a ni.
Sd/-
Member, Media Dept
MPCC
Post a Comment
He post chungchanga i ngaihdan lo sawi ve rawh: