Zaninah LESDE Mizo Idol Season 8-na Elimination Round result puang dawn

Aizawl | Sept 9, 2025: LESDE Mizo Idol Season 8-na Elimination Round result chu zanin dar 8 hian puan a ni dawn.

Zonet buatsaih LESDE Mizo Idol Season 8 neih mekah Application form lak chhuah ngai lovin, Virtual Audition hmangin Augsut ni 15 atang khan mahni zai lai video theh luh theih a ni a, video theh luh theih hun tawp August ni 31 thleng khan mi 716-in an zai lai video an theh lut a, heng video luhte hi endik a nih hnuah zanin dar 8 hian result puan a ni dawn a, Zonet Zawlbuk leh Zonet Youtube channel-ah tih chhuah a ni ang.

Audiotion Round paltlangte tan hian tun thla ni 23, zan dar 8 atangin 1st Round intihsiakna tan a ni dawn a, intihsiakna hi Zonet Studio atangin Live-a pek chhuah thin a ni dawn a, Judge ten an thutchilh nghal dawn a ni. 1st Round intihsiaknaah hian Contestant-te hman turin Guitar leh Keyboard chhawp a ni dawn a, 1st Round intihsiakna chu August ni 26-a zawh tura ruahman niin, Top 50 thlan chhuah a ni dawn a, heng mite hian intihsiakna an hmachhawn hunah top 20 thlan chhuah leh tura ruahman a ni a. Intihsiakna hi top 10 atangin Mualpui-a R. Dengthuam Hall-ah neih a ni dawn a, Live Music hmanga intihsiakna hi neih tura ruahman a ni.

LESDE Mizo Idol Season 8-naah hian endiktu, Judge 3 an awm dawn a, Judge hi uluk taka thlan niin, zai leh rimawi lama tawn hriat ngah tak tak an ni hlawm a ni. Mizo Idol Season 8-a pakhatna chuan cheng nuai 2 a dawn dawn bakah LBS Suzuki-in Scooty an pe dawn a, pahnihin cheng nuai 1 leh pathumnain cheng sing 5 an dawng dawn a ni.