Aizawl | Sept 18, 2025: WATO Trust buatsaihin Basketball inelna an nei dawn a, Basketball playerte tan Mizoram Territorial Army-a luh theihna hun a inhawng dawn!
WATO Trust buatsaihin October ni 17 khian Mizoramah Basketball inelna neih a ni dawn a, heta tha zual thlanchhuah te chu Mizoram Territorial Army ah lakluh an ni ang.
He thu hi vawiin khan Aizawl Press Club-ah thuthar thehdarhtute kawmin an sawi a, WATO Trust Business Strategist Asomi Drew chuan WATO Trust chu khawvel pum huapa NGO a ni tih sawiin, India-a ruihhlo dona awareness programme bultanna atan Mizoram an thlang, a ti.
WATO Trust hian October 14 khian a hawnna atan basketball match buatsaih a ni dawn a, October 17 hian 3X3 Basketball inelna nan buatsaih dawn bawk.
3X3 Basketball inelna-ah hian category hnih Under-21 leh Senior Category a awm dawn a, lawmman a awm dawn bakah player tha zual thlan chhuah te chuan pawisafai an dawng dawn a, WATO Trust chuan one-year scholarship a pek dawn bakah Mizoram Territorial Army chuan player tha zual an lalut dawn bawk a ni.
He championship-ah hian a duh apiang tan tel theih a, 87945 77126 ah a thlawnin a in ziahluh theih a ni.
Post a Comment
He post chungchanga i ngaihdan lo sawi ve rawh: