US Consul General in Central YMA hruaitute a kawm

Aizawl | Sept 26, 2025: US Consul General Kathy Hiles Diaz, Kolkata leh a thawhpui ten Vawiin ni 26.09.2025(Zirtawpni) chawhma dar 10:00 khan Central YMA Office tlawhin Central YMA hruaitute nen an inkawm. Central YMA President Lalhmachhuana leh a thawhpui Office Bearer ten an lo dawng sawng.

Central YMA General Secretary Prof. Malsawmliana'n YMA chungchang leh hmalak dan tlangpui te Presentation a pe a, YMA chungchanga an hriat duh hrang hrangte hrilhfiah an ni bawk.

President Lalhmachhuana’n US Consul General Kathy Giles Diaz in YMA ngaipawimawha a rawn tlawh chu lawmawm a tih thu sawiin YMA leh Consul Office te thawhhona tha tak kan neih thu leh hun hma lamah Consul General lo ni tawh leh Ambassador te pawhin CYMA hruaitu te kawma Central Office an tlawh tawh thu te a sawi. Consul- General chu India rama awm chhunga Mizoram lo tlawh leh tur leh India - Myanmar ramri te tlawh ve turin a sawm bawk.

Central YMA hruaitute hian Mizo thalaite tana engemaw tal ruahmanna siamsak dan kawng zawn sak turin an ngen a. YMA in raltlan a lo buaipui dan te an sawi pui bawk.

Kathy Giles Diaz pawhin YMA in Mizo mipuite tana a hnathawhte fakin ropui a tih thu a sawi a. Central YMA chuan ngaihhruina thilpek an lo hlan bawk.