C Lalawmpuia Vanchiau lehkhabu 'Tapchhak Theory' tlangzarh

Aizawl | Sept 26, 2025: C Lalawmpuia Vanchiau lehkhabu 'Tapchhak Theory' tih chu Ramhlun South-a an chenna inah vawiin khan Adviser to CM Lalmuanpuia Punte, MLA in a tlangzarh. Lehkhabu thlir lawkna hun hi Newslink editor Zodin Sanga'n a hmang.

Adviser to Chief Minister Lalmuanpuia Punte, MLA chuan thu sawiin, "Lehkha chhiar kawngah ṭhangtharte'n ṭan kan lak thar a ṭul hle a. Social Media leh e'ngemaw mai maiah ṭhalaiten kan hun awl kan paihral nasa lutuk ang tih a hlauhawm. Lehkha chhiar tam na na na chu khawvel hmachhawn kawngah a ṭha zawngin an danglam ṭhin. Chuvangin, lehkha chhiar kawngah ṭhangtharte'n ṭan kan lak thar a ṭul hle a ni," a ti.

Adviser to CM chuan, "Dr C Lalawmpuia Vanchiau-in hetiang lehkhabu ṭha a khawrpum hi lawmawm ka ti hle a. Literature zir mi leh zir mekte tan chuan he lehkhabu hi chhiar makmawh a ni," a ti a. "Mizo Literature critism huangah lehkhabu ṭha tak kan neih belh hi a lawmawm tak zet a ni," a ti bawk.

He lehkhabu Tapchhak Theory hi Synod Book Room leh lehkhabu dawr hrang hrangah lei tur a awm a ni.