Tourism Minister-in a hmun ngai leh nghet Reiek-ah October kar hmasa berah Anthurium Festival hman a nih thin tur thu a puang

byAdmin — 0
Aizawl | Sept 26, 2025: Tourism Minister Pu Lalnghinglova Hmar chuan vawiin khan Tourist Lodge, Chaltlang Conference Hall-ah Tourism Department buatsaih, World Tourism Day lawmna hun chu khuallian niin a hmanpui a. Mizoram Tourism Excellence Awards 2025 chu a sem a nghal bawk.


(World Tourism Day hi September ni 27 a ni a, kumin hian Inrinnia a tlak avangin September ni 26-ah lawm niin, thupui atan ‘Tourism and Sustainable Transformation’ hman a ni.)

Khuallian Lalnghinglova Hmar chuan thu sawiin, sawrkar hmalaknate leh hmachhawpte bakah khualzin veivak pun dante a tarlang a. Kum 2024-2025 chhunga khualzin za zela 139.50%-a an pung chu lawmawm a tih thu leh Tourism Department leh tourist service operator-te inpekna rah a nih thu a sawi a.

Minister chuan Mizoram sawrkarin tunhnaiah khualzinte hip nan nasa takin hma a la tih leh kum 2026 atangin festival/event langsar kan neihte awmze nei zawka kalpui a, Tourism Calendar mumal tak duan a ni tih a sawi a. Mizorama khualzin hip thei hmun mawi leh tlawh chakawm engemawzat chu thawmthata cheimawi mek zel niin, state budget pawn atangin project engemawzat kalpui mek a ni, a ti a. Nakkum atangin horticulture  lam hawia Anthurium Festival kalpui tan a nih dawn thu leh hmun nghet, Reiekah, hun nghet October kar hmasa bera hman a nih thin tur thu a puang bawk a ni.

Tourism Minister chuan agro-based tourism, ecotourism, community-based tourism a pawimawh rualin kan ram leilung mawina leh hnam zia pholan nan leh kan local economy than chak nan rel hmanga inkalpawhtawnna thar kan neih hman tangkai a ngaih thu a sawi a. Hmathlir neia concert economy leh film policy changtlung ngaihven a ngaih tih sawiin, kan thenawma hnam dangte nena inthlunzawm a pawimawh a,  kan hnam zia, mikhual chunga tha thin hnam kan nihna chawilian leh a, mikhualte tlawh chak ram kan nih theihna turin, Mizo economy siamthatna hmanrua atana tourism hmang tangkai turin kalkhawmte a chah bawk a ni.

World Tourism Day lawmna hunah hian Tourism Department Secretary V Lalsangliana, IAS chuan kalkhawmte lawmna thuchah a sawi a. Kumin World Tourism Day thupui chu an department ngaih pawimawh zawng leh kalpui mek a nih thu leh Mizoram Responsible Tourism Policy 2020 nen pawh a inrem hle thu a sawi a ni.

Tourism Department Director R Lalrodingi pawhin tourism sector hmanga economy tihngelngheh theih dan inkawhhmuh a pawimawh tih sawiin, kalkhawmte chu khual chhawn thiam nana an hriat tur tul, an hnuaia hnathawkte enkawl dan te, sum hman dan leh peipun dan te leh social media a tha lama hman a tulzia te hrilhin, sawrkar scheme hrang hrang, UNNATI leh Bana Kaih hnuaia tanpuina an dil theih thu a hriattir a. Rel lo luh hnua khualzin pung turte lo thleng zo tura inrin a ngaih thu leh tha thlah lova thawk turin a chah bawk a ni.

Tourist Officer C Ramsangzuali kaihhruaiin zinmi rintlak thutiam, Responsible Travel Pledge chhamho a ni a. Tourism Department Deputy Director  Rachel Lalrinhlui'n Mizoram Tourism Excellence Awards dawngtute puangin, khuallian  Lalnghinglova Hmar chuan a hnuaia mite hnenah hian citation leh sumfai Rs. 10000/- a hlan a ni.

MIZORAM TOURISM EXCELLENCE AWARDS 2025 
1. Best Hotel - Royale Lalawi 
2. Best Guesthouses, Lodges, Inns etc - Rest Inn, Chaltlang 
3. Best Homestay - Giftland Homestay 
4. Best Tour Operator - Flying Christabel Tours & Travels 
5. Best Tour Guide - Lalhruaitluangi 
6. Best Travel Agent - Glory Tours & Travels 
7. Best Restaurant - Naamy 
8. Best Standalone Catering Unit - Samuel Catering 
9. Best Tourism Promoter - Tlauliana 
10. Best Yuva Tourism Club - Govt. Hrangbana College 
11. Best Two Wheeler Taxi - Lalremkima, ID No.501  
12. Best Taxi Driver - H. Laldanmawia, MZ01-N-3182 
13. Best City Bus - MZ01-AB-0080, Driver PC Lalthanmawia 

World Tourism Day 2025 lawmna hun hi Tourism Department Joint Director  Lalthakimi Pachuau,  chuan lawmthu sawiin a khar a ni.

Tourism Minister Lalnghinglova Hmar thusawia pawimawh zualte a hnuaiah hian tarlan a ni:
Table 1: Mizorama khualzin veivak punna
Year            Domestic Tourist     Foreign Tourist       TOTAL         Punna %
2013 - 2014         64583             906                     65,489
2014 - 2015      67554                 862                     68,416         4.47
2015 - 2016      66583               830                       67,413          -1.47
2016 - 2017     67223              987                          68,210          1.18
2017 - 2018     68679             1155                         69,834         2.38
2018 - 2019     88122             1644                         89,766         28.54
2019 - 2020     159534             2143                 1,61,677             80.11
2020- 2021 (Covid) 20474         90                         20,564             -87.28
2021-2022     132099             517                     1,32,616             544.89
2022-2023     218457             3551                     2,22,008             67.41
2023 - 2024     215230             3884                 2,19,114             -1.30
2024 - 2025     5,18,873             5,911             5,24,784                 139.50
 
Table 2: Mizoram Tourism Calendar
Sl. No.         Festival/Event                 Month
1.  Pluck and Pay festival              July
2. Lo Zawh Pui                 September
3. Mizoram Travel Fest         October
4. Anthurium Festival -      October
5. Hnahsin Kut   - October
6. Leitlangpui Music Festival - November
7. Mizoram Mountain Challenge (Tour de Hmuifang ni thin) - December
8. Winter Festival - December


Table 3: State Budget pawn atanga project kalpui mekte
Sl. No.         Project         Fund source         Amount (in lakh rupees)
1. PM Ekta Mall             SASCI     12,700
2. Development of Basic Amenities under PRASHAD Scheme at Vangchhia  PRASHAD Scheme (Ministry of Tourism) 547.32
3. Development of Village based Eco-Tourism at Khamrang in Mizoram NESIDS (DoNER)     800
4. Development of Beraw Tourist Resort, Aizawl under SASCE SASCI 606
5. Vantawng view aerial ropeway and associated infrastructures at Thenzawl and Buangpui in Mizoram 3450
6. Laying of Golf Course Paver Block at Thenzawl & Upgradation of Chawngte Tourist Lodge - 154.30
7. Development of PCC Road to Bawng Farm Road to promote Farm Tourism in Sairang Dinthar NABARD - 296.90
8. Heritage and Cultural Centre, Champhai Swadesh Darshan 2.0 (Ministry of Tourism)3,387.25
9. Eco-Resort Experience at Keilungliah, Champhai 3,885.45
10. Construction of Convention Centre at Thingsulthliah in Mizoram Ministry of Tourism 9,971
Total 35,798.22

 

MIZORAM ZINMI RINTLAK THUTIAM 
Zinmi rintiak nih ka intiam a; 
Hmun tlawh thar ka neih apiangin, 
Ka ke hniak bak hnutchhlah ka nel lo ang a,  chu hmun ka hriatrengna bak ka hawn lo ang; 
Ka pawi sawi lo te lakah chuan pawi ka sawi bik hauh lo ang; 
Fai leh thlanghlim takin ka zin ang a, 
Ka hmun tlawha mite tihdan ka zah thiam zel ang; 
Khualzinte tlawh tlak ni zel turin
ka hmun tlawhte vawn him zel ka tum ang.


























Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post