Sairang - Kawnpui kawng chhiaah lirthei 800 chuang leh mihring sang chuang an tangkhang mek!

Aizawl | Sept 24, 2025: Sairang - Kawnpui kawng chhiaah lirthei 800 chuang leh mihring sang chuang an tangkhang mek!

Sairang - Kawnpui kawng chhiat vangin tukin dar 8:30 thlenga report dawn danin lirthei 862 an tangkhang mek.

Lirthei tangkhang a tam hle, kawng a la tha tawk hleithei lo niin thu dawn a ni bawk.

Lirthei 800 chuang tangkhang mek hian, driver leh handyman nen, a tlem berah mi 1600 vel tangkhang tur anga ngaih an ni a. Zunram thiarna mumal lo, chakkhai lamna ṭha lo nen, lirtheia ei zawngte'n harsatna an tawk nasa hle niin thu dawn a ni.

Tukin 8:30 thlenga, darkar 24 chhung report dawn danin, lirthei 583 chhuah a ni a, lirthei 862 a tangkhang mek.

Kawnpui atanga Aizawl pan lirthei 183, Mualkhang / Khamrang aṭanga Kolasib / Assam lam pan lirthei 400, a vaiin 583 chhuah an ni.

Lirthei tangkhang 862 zingah hian Khamrang chhehvelah Kolasib lam pan tur lirthei 567 a tangkhang a, Kawnpuiah Aizawl lam pan tur lirthei 295 a tangkhang bawk.