POCSO case-a FIR thehluttute tel phal loh vangin SDBA-in 44th Mizoram State Boxing Championship atangin an player zawng zawng hnuklet dawn!

byAdmin — 0
POCSO case-a FIR thehluttute tel phal loh vangin SDBA-in 44th Mizoram State Boxing Championship atangin an player zawng zawng hnuklet dawn!


Aizawl | Sept 23, 2025: POCSO case-a FIR thehluttute tel phal loh vangin Serchhip District Boxing Association (SDBA)-in 44th Mizoram State Boxing Championship atangin an player zawng zawng hnuklet dawn!

Naktuk hian an playerte hruai let tur hian Serchhip atangin Lunglei an pan dawn thu SDBA Secretary Kaptluanga Ralte chuan Explore Mizoram a hrilh a. Hun tiam an pek chhunga MIZBA lamin thu an neih nloh avangin an thuchhuah anga an kal dawn thu a sawi bawk.

MSSC Golden Jubilee 44th Mizoram State Boxing Championship Lunglei a neih turah hian POCSO case a victim Boxer hmeichhia te Mizoram Boxing Association (MIZBA) in khelh ve phallo in an haw tir a, an rilru a na hle mai a, tap zawih zawih in Hall atangin an chhuah tir. 

Hemi chungchangah hian Serchhip District Boxing Association te an rilru a na in an thinrim hle mai a. Vawiin chawhma dar 10 khan emergency meeting an nei a, MIZBA ah lehkha thehlutin vawiin tlai dar 4 thleng kha an nghak a, an hun tiam chhungah MIZBA-in thu leh hla an neih loh avangin, "hmeichhe boxer te hi khelh phalsak an la nih chuan loh chuan an boxer zawng zawng pawh an ko haw an tum chu," an tih a lo ngai ta a ni.

Serchhip District Boxing Association  chuan, "Boxer te thlavang hauh lova a khawih chingpen tumtu thlavang MIZBA in a hauh zawk hi mak kan ti hle," an ti a.

SDBA chuan, "Heng kan Boxer 3 te hi vawiin, ni 23rd Sept. 2025 Tuesday tlai dar 4:00pm ral hma ngeia an khelh lehna tura hma la turin kan rawn ngen che a.  Kan ngenna hi a hlawhtling lo a nih chuan kan Boxer te leh Serchhip atanga R&J Official Duty tura kal te zawng zawng hi naktuk 24th Sept. 2025 Wed ah kan rawn hruai haw vek dawn tih kan rawn hriattir a che.," tiin MIZBA hi lehkha an lo thawn tawh a ni.







SERCHHIP DISTRICT BOXING ASSOCIATION [ Affiliated to the Mizoram Boxing Association) 
NaA-2/SEDRAl2025/31 DC 23rd Sept 2025 Tuesday


To, 

The President/Secretary,
Mizoram Boxing Association

Subject: Complaint. 
Thawhpui duh tak, 


A hmasa in Serchhip District Boxing Association (SEDBA) hmingin chibai kan buk a che.

September ni 23 -26, 2025 chhung a limglei SAI Extension Center a MSSC Golden Jubilee 44th Mizoram State Boxing Championship 2025 neih torah mipat hmeichhiaina lam rawngkaia Boxer to a lo khawih thin avanga POCSO Case a Jail tang mek MIZBA ROC Chairman T Lalthlengliana thlavang MIZBA in in hauh avangin kan District aiawha khel te Hmeichhe Boxer 3, POCSO Case file tute khelh ve in phal lo tih kan lo hria a. Boxer te thlavang hauh lova a khawih chingpen tumtu thlavang MIZBA in a hauh zawk hi mak kan ti hle a. 

Heng kan Boxer 3 te hi vawiin, ni 23rd Sept. 2025 Tuesday tlai dar 4:00pm ral hma ngeia an khelh lehna tura hma la turin kan rawn ngen che a. Kan ngenna hi a hlawhtling lo a nih chuan kan Boxer te leh Serchhip atanga R&J Official Duty tura kal te zawng zawng hi naktuk 24th Sept. 2025 Wed ah kan rawn hruai haw vek dawn tih kan rawn hriattir a che.
 
I rintlak,

KAPTLUANGA RALTE
Secretary Serchhip Dist. Boxing Association
Serchhip Mizoram Ph. 9436596533 


Copy to:
1. The Hon'ble Minister, Sports & Youth Services Deptt. for information & necessary action. 
2. The President, Boxing Federation of India for information & necessary action.
 3. The Director, Sports & Youth Services Deptt. for information & necessary action.
4. The Secretary, Mizoram State Sports Council for information & necessary action.
5. The President, Mizoram Olympic Association for information & necessary action.
6. The President, United Sports Assn. of Mizoram(USAM)for information & necessary action.
7. All Media Persons for information & wide publicity. 


Sd/-
(KAPTLUANGA RALTE)
Secretary,
Serchhip District Boxing Association





Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post