PM-in Railway a rawn hawng tur hi Mizoram mipuite pawh lawm lo kan awm ka ring lo - BJP President

Aizawl | Sept 10, 2025: BJP President Dr K Beichhua chuan vawiin chawhnu dar 1 khan BJP Office-ah thuthat thehdarhtute kawmin, "Prime Minister-in Railway a rawn hawng tur hi Mizoram mipuite pawh lawm lo kan awm  ka ring lo," a ti.

Press Statement of Dr. K. Beichhua, MLA & BJP Mizoram State President. Dated the 11th September 2025, on 1:00 pm at BJP State Office Press Conference Room.

Kan hma lawk naktip mai, Dt 13th September, 2025 (Saturday) a, Prime Minister Pu Narendra Modi-in Railway a hawng dawn ta a, Railway hawn a ni thei ta chu keini BJP Mizoram chu kan lawm hle a ni. 

Chumai bakah India hmarchhak State kilkhawr taka awm keini Mizoram te tana PM-in Railway a rawn hawng tur hi Mizoram mipuite pawh lawm lo kan awm  ka ring lova, hetianga State dangte ruala hmasawnna rahbi thar Mizoramin kan nei thei ve ta hi a lawmawm hle a ni.

Vawiin ah hian Railway avang hian India ram Historical Significance kan nei ta a, Railway Map ah Aizawl hi a chuang reng tawh dawn a ni. Mizoram Rail kawng siam a nihna tur ah hian tlang ram kan nih avangin, Tlang leh Luikawrte tan tlanga rêl kawng siam a ngai a, KM 51.38 km-a thui kawng ah hian Tunnel 48 lai siam a ni a, Major Bridge hi 55 lai siam niin, Minor Bridge hi 87 lai a awm bawk a, Bridge 114 Meter laia sang a awm a,India rama Lei dawh sang pawl a tling pha hial a ni.

Vawiin ah hian NE State Capital pali (4) lai Railway hian a pawh tawh a, Huapzo hmasawnna, "Sapka Saath, Sapka Vikas", kan tih hmasawnna ngei chu a ni a, Rêl hian Passenger mai nilovin, bungrua pawh rang zawkin a phur tel thei dawn bawk a, chumai bakah Transportation man pawh nasa takin a tla hniam dawn bawk a ni. Railway Project hi 2009 ah approved niin, Foundation hi 2014 ah PM Modi chuan a phum bawk a, kum 11 chhunga siam zawh a ni ta, a ni.

Railway avang hian kan hmalam hun atan inkalpawhna kawng ṭha kan nei ta a, Mizo fate tana hmasawnna leh hamthatna remchanna lan hlat tawh dawn lo a ni. Ministry of Railway leh a changtu Minister Pu Ashwini Vaishnaw hnenah pawh lawmthu kan sawi a, tin kan hotu hmasa te hnenah pawh lawmthu kan sawi bawk a ni.

Kan Prime Minister Ropui tak Pu Narendra Modi hi kan chhuang takzet a, India ram hmasawnna kawngah a thawhhlawk takzet a, hruaitu ropui tak niin India ram a hmangaih takzet a, hetiang ram hruaitu hi zui tlak Leader ṭha a ni. Vawiin ah hian Politics a Pu Modi hnung kan zui hi kan tih tur dik tak niin kan hria a, Mizoram mipuite pawh hetiang anga ram hmangaihtu leh hruaitu ṭha zui turin kan sawm che u a ni.

Issued By IT & Media Department, BJP Mizoram Headquarters: Aizawl, Mizoram.