"opposition kan nih laia ram kan hmangaih ang khan tunah pawh kan la hmangaih zel tur a ni," - TBC-a

Aizawl | September 15, 2025: Vawiin khan ZPM chuan Party office-ah chhung inkhawm kan hmang a, thusawitu dviser to Chief Minister (Finance & Planning) TBC Lalvenchhunga, MLA chuan, “He ram siamtha tura kan thupui chu mipui tana inhlan leh rorelna tha zawk a ni a, opposition kan nih laia ram kan hmangaih ang khan tunah pawh kan la hmangaih zel tur a ni. Kan au hla a danglam tur a ni lo va, kalphung hlui zia kan chhawm tur a ni lo va, kan sorkar tak avangin kan sawi huai ngam lo tur a ni hek lo. Hei hi ka politics a ni,” a ti. 

Adviser to Chief Minister (Finance & Planning) TBC Lalvenchhunga chuan, “Pulpit tlanga kan thu sawi leh hnathawhna hmuna kan awm dan a inan loh avangin vawiin hi kan thleng a ni. Mi dik lote hrem ngam tur chuan kan dik phawt a ngai a. Mipui chan ai kan la lo va, kan eiru lo tih kan sawi ngam avang hian tunah rih chuan kan huai ngam a. Mipuiin an hlawkpui dawn chuan kan chan ngam mai tur a ni a. Kan tel lovin Chief Minister ringawtin he ram hi a siam tha thei lo, puitu huaisen mi dik a mamawh. Transfer chungchangah pawh mipuite inrawlh lo ngam ila, insawipui hi kalphung hlui zia a ni a, mahni duh dana sorkar hnathawh tumte pawh kan do ngam tur a ni. Inthlan hmaa kan hlapui chu, ‘Rorelna fel zawng u la, hnehchhiahna tuarte chu tanpui u la, pa nei lote chu rorel sak ula, hmeithaite chu sawipui rawh u’ tih a ni. Hei hi vawiinah a takin kan kalpui ngam a ngai a, a bul berah chuan kan dik a ngai a,” a ti.

TBC-a chuan, “CSS hnathawk kan dah ngheh theih loh chhan chu danin a remtih loh vang a ni. Dan hi kan zah tur a ni a, dik taka ro kan rel theih nan kan huai ngam tur a ni. ‘Sorkar turin kum tam tak kan lo vakvai ve tawh’ tituten hlawkna kan um a nih chuan, he ram hmasawnna tur leh kan vahvaih chhante kha kan kalsan dawn tihna a ni. Sorkar ve tak avangin contract hna kan beisei ngawt tur a ni lo. Contract-a eizawng duh chu Contractor-ah inziak lut rawh se. Sorkar kal tawhte atangin contract hna zawh loh 200 chuang leh K. Deposit-ah cheng vaibelchhe 1500 chuang kan chhawm. Sorkarin sum a neih lohzia kan hria a, hall sak leh field phaha contract hna thawh hi he ram damna tur leh hmasawnna tur a ni lem lo. In MLA theuhte hnenah, ‘Engtin nge MLA Fund i hman?’ i ti ngam em? MLA Fund Rs. 200 lakh hi hmasawnna hnathawh nan a tam khawp mai. MLA leh Minister-te zim luai luai hi hman ata tawh Mizo mipuite chin than a ni a, hengte hi vawiinah chuan kan bansan a hun tawh a ni. A tawp berah chuan FCAA chungchang a ni emaw, thil dang dangah pawh kan hruaitute thu sawi awih i zir ang u, an dik tawk lohna pawh kan sawisel ngam tur a ni. He ram tana kan chan tawhna chu kan chan tawh ni se, he ram tan a dang pawh i chan ngam leh ang u,” tiin fuihna thu a  sawi bawk a ni.

Vawiin Party chhung inkhawm hi Pu RL Liantluanga, Secretary-in a kaihruai a, Upa C. Lalengliana, Sr. Vice President, Upa Committee chuan hunserh hmangin Party hruaitute leh party mipuite chhung inkhawmah hian an tel thahnem hle a ni. 

PRESS REALESE

(ZPM General Headquarters, Aizawl)

OPPOSITION KAN NIH LAIA RAM KAN HMANGAIH ANG KHAN TUNAH PAWH KAN LA HMANGAIH ZEL TUR A NI

-Pu TBC Lalvenchhunga, Adviser to Chief Minister

Aizawl, 15th September,2025: Vawiin khan ZPM chuan Party office-ah chhung inkhawm kan hmang a, thusawitu Pu TBC Lalvenchhunga, Adviser to Chief Minister chuan, “He ram siamtha tura kan thupui chu mipui tana inhlan leh rorelna tha zawk a ni a, opposition kan nih laia ram kan hmangaih ang khan tunah pawh kan la hmangaih zel tur a ni. Kan au hla a danglam tur a ni lo va, kalphung hlui zia kan chhawm tur a ni lo va, kan sorkar tak avangin kan sawi huai ngam lo tur a ni hek lo. Hei hi ka politics a ni,” a ti. 

Adviser to Chief Minister (Finance & Planning) Pu TBC Lalvenchhunga chuan, “Pulpit tlanga kan thu sawi leh hnathawhna hmuna kan awm dan a inan loh avangin vawiin hi kan thleng a ni. Mi dik lote hrem ngam tur chuan kan dik phawt a ngai a. Mipui chan ai kan la lo va, kan eiru lo tih kan sawi ngam avang hian tunah rih chuan kan huai ngam a. Mipuiin an hlawkpui dawn chuan kan chan ngam mai tur a ni a. Kan tel lovin Chief Minister ringawtin he ram hi a siam tha thei lo, puitu huaisen mi dik a mamawh. Transfer chungchangah pawh mipuite inrawlh lo ngam ila, insawipui hi kalphung hlui zia a ni a, mahni duh dana sorkar hnathawh tumte pawh kan do ngam tur a ni. Inthlan hmaa kan hlapui chu, ‘Rorelna fel zawng u la, hnehchhiahna tuarte chu tanpui u la, pa nei lote chu rorel sak ula, hmeithaite chu sawipui rawh u’ tih a ni. Hei hi vawiinah a takin kan kalpui ngam a ngai a, a bul berah chuan kan dik a ngai a,” a ti.

Pu TBC-a chuan, “CSS hnathawk kan dah ngheh theih loh chhan chu danin a remtih loh vang a ni. Dan hi kan zah tur a ni a, dik taka ro kan rel theih nan kan huai ngam tur a ni. ‘Sorkar turin kum tam tak kan lo vakvai ve tawh’ tituten hlawkna kan um a nih chuan, he ram hmasawnna tur leh kan vahvaih chhante kha kan kalsan dawn tihna a ni. Sorkar ve tak avangin contract hna kan beisei ngawt tur a ni lo. Contract-a eizawng duh chu Contractor-ah inziak lut rawh se. Sorkar kal tawhte atangin contract hna zawh loh 200 chuang leh K. Deposit-ah cheng vaibelchhe 1500 chuang kan chhawm. Sorkarin sum a neih lohzia kan hria a, hall sak leh field phaha contract hna thawh hi he ram damna tur leh hmasawnna tur a ni lem lo. In MLA theuhte hnenah, ‘Engtin nge MLA Fund i hman?’ i ti ngam em? MLA Fund Rs. 200 lakh hi hmasawnna hnathawh nan a tam khawp mai. MLA leh Minister-te zim luai luai hi hman ata tawh Mizo mipuite chin than a ni a, hengte hi vawiinah chuan kan bansan a hun tawh a ni. A tawp berah chuan FCAA chungchang a ni emaw, thil dang dangah pawh kan hruaitute thu sawi awih i zir ang u, an dik tawk lohna pawh kan sawisel ngam tur a ni. He ram tana kan chan tawhna chu kan chan tawh ni se, he ram tan a dang pawh i chan ngam leh ang u,” tiin fuihna thu a  sawi bawk a ni.

Vawiin Party chhung inkhawm hi Pu RL Liantluanga, Secretary-in a kaihruai a, Upa C. Lalengliana, Sr. Vice President, Upa Committee chuan hunserh hmangin Party hruaitute leh party mipuite chhung inkhawmah hian an tel thahnem hle a ni. 

Sd-

(BRIAN LALNUNHLIMA)

Secretary

Media & Publicity

ZPM General Headquarters, Aizawl

PR No.ZPM-02/02A/2025/78

Dated 15th September, 2025