"Congress Party-ina dawt hmanga min beihna la awih tlat nu leh pa tam tak te hrilhfiah hi kan mawhphurhna a ni,"

Aizawl | Sept 15, 2025: BJP Mizoram chuan vawiin 15th September, 2025 (Monday) hian BJP Mizoram State Office, Mipui Rûn, Upper Republic-ah Karthar Inhlanna leh Political Session hun neiin, BJP State Vice President Vanupa Zathang, IPS (Retd-in inkhawm a kaihruai a, TBC Laldingliani'n hunserh hmangin, Mara Autonomous District Council (MADC) Chief Executive Member (CEM) M Laikaw leh Lai Autonomous District Council (LADC) Chief Executive Member (CEM) N Zangura, te'n thu an sawi.

M Laikaw chuan thusawiin, "MADC area-ah MLA Constituency pahnih kan nei a, keini BJP Siaha District-te chuan theih tawp chhuahin hma kan la a, MLA pahnih kan thawh chhuak thei a, LADC-ah pawh Inthlan leh ah chuan MLA an rawn nei ve thei bawk anga, CADC-ah pawh BJP-in MLA kan nei tawh ngei anga, tichuan District dangte aṭang pawhin chutiang chuan kan District ṭheuh ah MLA kan neih theih ngei nan State President kaihhruaina hnuaiah hma kan la anga, MLA kan neih theih ngei kan beisei a ni. Chutiang tur chuan Mizoram tana hmalak kan tum dan ang ngeia hma kan lak theih nan BJP chuan Sorkarna kan siam ngei a ngai a ni," a ti.

Laikaw chuan sawi chhunzawmin, "Mizoram ah Sorkarna kan siamna turin hma kan la zel anga, tun hmain Congress Party-in BJP lo lian tur an hriat lawk avangin Kristian State ho ah BJP chu Anti - Christian tiin an sawi a, Muslim tamnaah BJP chu Anti - Muslim an ni an ti leh a, Congress-in BJP an puhmawh ṭhinna chu engah mah ngai lo kan awm chho ta zel a, chutihrualin Congress Party-ina dawt hmanga min beihna la awih tlat nu leh pa tam tak te hrilhfiah hi kan mawhphurhna a ni a, Mizoram hma lam hun hi kan kutah a awm a, kan mawhphurhna a ni tih hriaa hma kan lak a ngai a ni," a ti bawk.

LADC CEM N Zangura chuan LADC-a BJP kaihhruai Sorkar din a nihna tur chungchang report pe in, "LADC ah BJP leh a thawhpui 'UDA' te'n fiahna kan paltlang a, hun kal ta a, ZPM MDC Pu Tuturu Singh-a ngei pawhin kan Party a support piah lamah BJP a rawn zawm nghal bawk a, LADC-ah BJP leh a thawhpui te'n nghet takin lungrual takin Sorkarna kan siam mek a ni," a ti.

N Zangura chuan, "Lairam mipui mak tih khawpin BJP leh a thawpuite chuan hma kan la a, Lairam hmasawnna turin BJP kaihhruai UDA sawrkar ṭha tak kan nei hi a ropui êm êm a ni. Ram leh hnam kan ngaih pawimawh avanga Party kan chhuahsan emaw kan siam rem a ṭul chang a awm ṭhin a, nimahsela keimahni leh kan chhungkaw hamṭhatna tur chauha Politics khelh erawh a fuh lovin, chutiang mi te chuan an daih rei thei ngai lo a ni. Vawiina National Party-a kan awm hian Ram Development tak tak thawhna tur kawng a inhawng a, tualṭo Party aṭang erawh chuan Ram siam ṭhatna tak tak a awm thei lo a ni. A chhan chu, thil tak tak tihna tur State Sorkar aṭangin a awm loh vang a ni. Chutiangin Congress Party Central-a a Sorkar lai pawh khan Mizoram ah Vai Party ti mah ila, Sorkarna an chang a nih kha. Nimahsela, vanduaithlak takin Congress Party erawh kha chuan Ram leh Hnam dah hmasa lova, anmahni an in vulh avang leh Corruption a nasat êm avangin tunah chuan nasa takin an lo tla chhe ta a ni," a ti a.

Zangura chuan sawi chhunzawmin, "vawiin ah chuan BJP National Party, India rama Party pakhat mai ni lovin, India ram tana kawngtin renga hma la a, chhungkhat laina aia ram an hmangaihna chuan khawvel zah nihna hial a kai phah ta a, India ram chu Ropui takin an siam mek a ni tih kan hre ṭheuh awm e. Chuvangin, Mizoram mipuite pawhin kan ram leh kan hnam hmakhua ngai a, ngaihtuahna fîm tak seng chunga BJP lam lo hawia Mizoram siam ṭhatna tura ke rawn pen chhuak turin ka sawm vek che u a ni," a ti bawk.

Inkhawmah hian State Vice President Malsawmtluanga'n PM-in Mizoram a rawn tlawh chungchang Report leh Lawmthu sawina hun a hmang bawk.

BJP MIZORAM STATE HEADQUARTERS,

PRESS RELEASE

DATED THE 15TH SEPTEMBER 2025 : NO.BJP/MZ/HQR/PR-98.

BJP Mizoram chuan vawiin 15th September, 2025 (Monday) hian BJP Mizoram State Office, Mipui Rûn, Upper Republic-ah Karthar Inhlanna leh Political Session hun neiin, Pu Vanupa Zathang, IPS (Retd) & State Vice President-in inkhawm a kaihruaia, Pi TBC Laldingliani'n Hunserh hmangin, Pu M Laikaw, CEM MADC leh Pu N Zangura, CEM LADC te'n thusawina hun an nei bawk.

Pu M. Laikaw chuan thusawiin, "MADC area-ah MLA Constituency pahnih kan nei a, keini BJP Siaha District-te chuan theih tawp chhuahin hma kan la a, MLA pahnih kan thawh chhuak thei a, LADC-ah pawh Inthlan leh ah chuan MLA an rawn nei ve thei bawk anga, CADC-ah pawh BJP-in MLA kan nei tawh ngei anga, tichuan District dangte aṭang pawhin chutiang chuan kan District ṭheuh ah MLA kan neih theih ngei nan State President kaihhruaina hnuaiah hma kan la anga, MLA kan neih theih ngei kan beisei a ni. Chutiang tur chuan Mizoram tana hmalak kan tum dan ang ngeia hma kan lak theih nan BJP chuan Sorkarna kan siam ngei a ngai a ni," a ti.

Pu Laikaw chuan sawi chhunzawmin, "Mizoram ah Sorkarna kan siamna turin hma kan la zel anga, tun hmain Congress Party-in BJP lo lian tur an hriat lawk avangin Kristian State ho ah BJP chu Anti-Christian tiin an sawi a, Muslim tamna ah BJP chu Anti -Muslim an ni an ti leh a, Congress-in BJP an puhmawh ṭhinna chu engah mah ngai lo kan awm chho ta zel a, chutihrualin Congress Party-ina dawt hmanga min beihna la awih tlat nu leh pa tam tak te hrilhfiah hi kan mawhphurhna a ni a, Mizoram hma lam hun hi kan kutah a awm a, kan mawhphurhna a ni tih hriaa hma kan lak a ngai a ni," a ti bawk.

Pu N. Zangura, CEM (LADC) chuan LADC-a BJP kaihhruai Sorkar din a nihna tur chungchang report pe in, "LADC ah BJP leh a thawhpui 'UDA' te'n fiahna kan paltlang a, hun kal ta a, ZPM MDC Pu Tuturu Singh-a ngei pawhin kan Party a support piah lamah BJP a rawn zawm nghal bawk a, LADC-ah BJP leh a thawhpui te'n nghet takin lungrual takin Sorkarna kan siam mek a ni," a ti.

Pu N Zangura chuan, "Lairam mipui mak tih khawpin BJP leh a thawpuite chuan hma kan la a, Lairam hmasawnna turin BJP kaihhruai UDA sawrkar ṭha tak kan nei hi a ropui êm êm a ni. Ram leh hnam kan ngaih pawimawh avanga Party kan chhuahsan emaw kan siam rem a ṭul chang a awm ṭhin a, nimahsela keimahni leh kan chhungkaw hamṭhatna tur chauha Politics khelh erawh a fuh lovin, chutiang mi te chuan an daih rei thei ngai lo a ni. Vawiina National Party-a kan awm hian Ram Development tak tak thawhna tur kawng a inhawng a, tualṭo Party aṭang erawh chuan Ram siam ṭhatna tak tak a awm thei lo a ni. A chhan chu, thil tak tak tihna tur State Sorkar aṭangin a awm loh vang a ni. Chutiangin Congress Party Central-a a Sorkar lai pawh khan Mizoram ah Vai Party ti mah ila, Sorkarna an chang a nih kha. Nimahsela, vanduaithlak takin Congress Party erawh kha chuan Ram leh Hnam dah hmasa lova, anmahni an in vulh avang leh Corruption a nasat êm avangin tunah chuan nasa takin an lo tla chhe ta a ni," a ti a.

Pu Zangura chuan sawi chhunzawmin, "vawiin ah chuan BJP National Party, India rama Party pakhat mai ni lovin, India ram tana kawngtin renga hma la a, chhungkhat laina aia ram an hmangaihna chuan khawvel zah nihna hial a kai phah ta a, India ram chu Ropui takin an siam mek a ni tih kan hre ṭheuh awm e. Chuvangin, Mizoram mipuite pawhin kan ram leh kan hnam hmakhua ngai a, ngaihtuahna fîm tak seng chunga BJP lam lo hawia Mizoram siam ṭhatna tura ke rawn pen chhuak turin ka sawm vek che u a ni," a ti bawk.

Inkhawm ah hian Pu Malsawmtluanga, State Vice President-in PM-in Mizoram a rawn tlawh chungchang Report leh Lawmthu sawina hun a hmang bawk.

Issued By IT & Media Department, BJP Mizoram Headquarters: Aizawl, Mizoram.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]