Minister Lalnghinglova Hmar hovin KMHSS-ah 'Meet your MLA' program hmang

Aizawl | Sept 10, 2025: Sports & Youth Services Minister Lalnghinglova Hmar chuan a bial Aizawl West-ll huamchhunga Govt. KM Higher Secondary School tlawhin, School naupang leh zirtirtu te nen inkawmna hun hlimawm tak an hmang. Minister hian a bialchhunga zirna in hrang hrangah White board pein, KM HSS tan Water cooler a pe bawk.

"Lehkha thiam hi a tha ber a, chumi tur chuan lehkha zir taimak a pawimawh ber. Tunlaiah Central service tling thei pawh kan awm tawh loh chhan chu thiamna tak tak pawchhuak tura kan zir taimak loh vang a ni. Mizote hi kan thluak a tha a, kan thluak hian a phak a ni. Tunhma chuan Central service-a inziak tling an awm fo a, tunah chuan Mizo IAS thawhpui tur sorkar pawhin a nei tawh mang lo a ni. Zirlai ten taimakna leh tumruhna nen theihtawp in chhuah a, hlawhtling ngei tura tun atanga tan la theuh turin ka ngen che u a ni," a ti bawk.

Pu Lalnghinglova Hmar, Minister hovin KM HSS-ah 'Meet your MLA' program hmang

Vawiin Dt.10.9.2025 (Wed) hian Pu Lalnghinglova Hmar, SYS Minister chuan a bial Aizawl West-ll huamchhunga Govt. KM Higher Secondary School tlawhin, School naupang leh zirtirtu te nen inkawmna hun hlimawm tak an hmang. Minister hian a bialchhunga zirna in hrang hrangah White board pein, KM HSS tan Water cooler a pe bawk.

He hunah hian Minister chuan thu sawiin, "Thingtlangah school naupang tlemte zinga thawk zirtirtute hi an khawngaihthlak a, awmna tur quarter pawh nei lovin inluah tur inzawn chawpin an va awm thin a, naupang inang lo tak tak, harsa ve tak tak te an zirtirin an enkawl a, an tan a hautak em em a ni" a ti a. "Lehkha thiam hi a tha ber a, chumi tur chuan lehkha zir taimak a pawimawh ber. Tunlaiah Central service tling thei pawh kan awm tawh loh chhan chu thiamna tak tak pawchhuak tura kan zir taimak loh vang a ni. Mizote hi kan thluak a tha a, kan thluak hian a phak a ni. Tunhma chuan Central service-a inziak tling an awm fo a, tunah chuan Mizo IAS thawhpui tur sorkar pawhin a nei tawh mang lo a ni. Zirlai ten taimakna leh tumruhna nen theihtawp in chhuah a, hlawhtling ngei tura tun atanga tan la theuh turin ka ngen che u a ni," a ti bawk.

Written by-

H. Lalramliana, Secretary

ZPM General Headquarters

Issued by-

Media & Publicity Department

ZPM General Headquarters

Mizoram, Aizawl

Issue No. 175 of 2025

Dated the10th September, 2026

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]