Kawng laih vangin BCM Biak in a chim!

Aizawl | Sept 11, 2025: National Highway 54 (NH 54) kawng laih avangin Baptist Church of Mizoram (BCM) Biak In, Mamte 'T', Thingfal Biakin a chim.

BCM Mamte 'T' Biak in hi vawiin khan a chim a, a chim hma hian a chet avangin kohhran-i hnatlang kovin bungrua eng emaw zat an senghawi hman a ni.

BCM Biak In, Mamte 'T' hi Nuai 52 hu nia hriat a ni a, he kohhranah hian Member 152 an awm mek.

Vawiin chawhma dar 11 pelh hret khan Biak In hi a chim a, an biak in hi a thar niin, kum khat chuang hret chauh an la luah niin hriat a ni.

He biak in chim vang hian, kawngpui pawh khar nghal a ni a, tihfai nghal theih a ni dawn lo niin thu dawn a ni.

An biak in a che nia an hriat tanna hi nizan mai kha niin, Biak in kawtah a pang khi an hmu a, chumi atanga hria an ni.

Vawiin hi karleh lama camping an neih dawn avanga inbuatsaih nana hnatlang an ni a, mahse, an tum loh lamah hnatlang hian hna an thawk ta a ni.

Biak in hi luah leh tlak lovin a sawp chhe vek a ni.

Thingfal hi Lunglei leh Lawngtlai inkara awm niin, Lunglei district chhunga khaw tawp ber a ni a, a piah hi Thingkah niin, Lawngtlai district chhung a ni tawh a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]