India ram politics nasa takin a inher danglam mek a, BJP leh Pu Modi-a te duh lohna a pung tual tual a, Rahul Gandhi a lian tual tual thung

Aizawl | Sept 3, 2025: Mizoram Pradesh Congress Committee (MPCC) Treasurer Dr Lalmalsawma Nghaka chuan vawiin chhun dar 1 khan Aizawl Press Club-ah thuthar thehdarhtute kawmin, "India ram politics nasa takin a inher danglam mek a, BJP leh Pu Modi-a te duh lohna a pung tual tual a, Rahul Gandhi a lian tual tual thung," a ti.

Dr Mala chuan, "Tunlaia India ram Politics titi lian ber chu Vote Chori an tih ‘Vote ruk’ chungchang hi a ni awm e. Kan hriat theuh angin He vote ruk chungchang hi Rahul Gandhi chuan Media hma-ah presentation nen August ni 7 khan a rawn puangchhuak a, August ni 13 khan BJP hruaitu Anurag Thakur khan vote 2,99,000 rinhlelhawm a awm thu a sawi bawk. Thil diklo a awm ni a an rinhlelhna a rei tawh a, mahse a diklohna lai an hre mai thei lo va. Rahul Gandhi leh a team ten thla ruk chhung an chhuichian hnu ah thil diklo tamtak an hmuchhuak ta a ni," a ti a.

"Rahul Gandhi hian an chhuichhuah tam tak zinga thenkhat a tarlan ah chun Bangalore khawpui chhunga Bangalore Central Lok Sabha seat hnuaia MLA bial pakhat pakhat Mahadevapura Assembly Constituency a thil thleng a tarlang a. Mahadevapura Assembly Consituency ah hian vote 1,00,250 tih chingpen nia chhui chhuah a ni a, hetah hian duplicate voter 11,960, address lem leh awmlo 40,009, address thuhmuna vote tamtak inthuahna 10,452, thlalak mumal awm lohna voter 4,132, diklo taka form 6 hmanna vote 33,692 lai a ni. Bangalore Central ah hian MLA Bial 7 a awm a, MLA Bial ruk ah Congress Candidate chuan hnehna a chang vek a, Mahadevapura ah chiah hian BJP Candidate in hnehna sang tak a chang ta a ni. BJP Candidate hi vote 32,707 in Bangalore Central ah tling ta a ni. Voter 1,00,250 lai tih chingpen a awm vangin BJP Candidate a chak ta a, hei hi mipui duhthlanna rukna dik tak a ni," a ti bawk.

Thil rinhlelhawm tak tak Rahul Gandhi an a tarlan zingah Voters an address zawnchhuah ngaihna awm lo te, in khata voters 80 awmna te, room khata vote tamtak awmna te a awm a ni. India ram hi Democracy ram kan ni a, democracy ram kan nih angina voting right kan nei vek a, kan ram hruaitu thlanna ah khua leh tui kan nih angina kan mi duh kan vote thei a ni. Hei hian democracy ropuina a tarlang a ni. Amaherawh chu chu kan voting right chu vote ruk hmanga tihchingpen a nih chuan voting right kan neih min pawngsual sak tihna a ni.

Heng thil vang hian BJP hian Election Commission hi a thunun hle niin opposition party te chuan an ngai a ni. Tuna Chief Election Commisioner Gyanesh Kumar hi BJP sawrkar in dan tihdanglama a ruat a ni. CEC leh Election Commissioner te hi member 3 awmna committee, Prime Minister leh Leader of Opposition bakah Supreme Court Chief Justice in an ruat thin a, mahse BJP sawrkar in Chief Justice hi an telh duh lova, a aiah Home minister Amit Shah an ruat a ni. Chief Justice an ruat tel thin chhan chu Sawrkar lai tantu ruat a nih loh nan neutral, awn lam nei lo an awm a ngaih vang a ni. BJP Sawrkar hnuah Election Commisioner Arun Goel leh Ashok Lavas te chuan an ban chhan tarlang mumal lovin an nihna atangin banna thehlutin an bang tawh a, heng te hian mite rinhlehna a ti zual hle.

Supreme Court chuan EC hi Draft roll leh number tarchhuak vat tur leh an delete te an delete chhan mumal tak tarchhuak turin thu a pe a, party tin aiawh te hearing ah tel turin thu a pe bawk a ni.

India ram politics nasa takin a inher danglam mek a, BJP leh Pu Modi-a te duh lohna a pung tual tual a, Rahul Gandhi a lian tual tual thung. C-voter in Mood of the Nation poll July ni 1 atanga August ni 14 chhunga a survey a lakna ah Modi duhlohna a nasa tawh hle a ni an ti a, a tam zawkin India ram democracy hian beih a tawk mek a, dinhmun hlauhawm takah a awm a ni.

PRESS STATEMENT OF MPCC TREASURER DR LALMALSAWMA NGHAKA

Date 3rd September, 2025

Tunlaia India ram Politics titi lian ber chu Vote Chori an tih ‘Vote ruk’ chungchang hi a ni awm e. Kan hriat theuh angin He vote ruk chungchang hi Rahul Gandhi chuan Media hma-ah presentation nen August ni 7 khan a rawn puangchhuak a, August ni 13 khan BJP hruaitu Anurag Thakur khan vote 2,99,000 rinhlelhawm a awm thu a sawi bawk. Thil diklo a awm ni a an rinhlelhna a rei tawh a, mahse a diklohna lai an hre mai thei lo va. Rahul Gandhi leh a team ten thla ruk chhung an chhuichian hnu ah thil diklo tamtak an hmuchhuak ta a ni.

Rahul Gandhi hian an chhuichhuah tam tak zinga thenkhat a tarlan ah chun Bangalore khawpui chhunga Bangalore Central Lok Sabha seat hnuaia MLA bial pakhat pakhat Mahadevapura Assembly Constituency a thil thleng a tarlang a. Mahadevapura Assembly Consituency ah hian vote 1,00,250 tih chingpen nia chhui chhuah a ni a, hetah hian duplicate voter 11,960, address lem leh awmlo 40,009, address thuhmuna vote tamtak inthuahna 10,452, thlalak mumal awm lohna voter 4,132, diklo taka form 6 hmanna vote 33,692 lai a ni. Bangalore Central ah hian MLA Bial 7 a awm a, MLA Bial ruk ah Congress Candidate chuan hnehna a chang vek a, Mahadevapura ah chiah hian BJP Candidate in hnehna sang tak a chang ta a ni. BJP Candidate hi vote 32,707 in Bangalore Central ah tling ta a ni. Voter 1,00,250 lai tih chingpen a awm vangin BJP Candidate a chak ta a, hei hi mipui duhthlanna rukna dik tak a ni.

Hei bakah hian Maharastra Assembly Election ah thil diklo tak a thleng bawk a. Lok Sabha inthlan a vote nei zat ai khan State Assembly inthlan khan vote nei mi nuaih 50 in an tam zawk a, a inkar kha thla ruk chauh a ni a, thla ruk chhungain vote nei thar hi kum 5 chhunga vote nei thar aiin an tam zawk a. Vote nei thar mi nuaih 50 chuang an tling thut hi thil rinhlelhawm tak a ni a, thil diklo a awm ngei a ni tih a chiang hle. Hei bakah hian tlai dar 5 hnu ah vote nuai 65 lai a tla a, heng te hi a rinhlelhawm hle.

Heng inthlana thil rinhlelhawm tak tak hi Congress party chuan Polling booth a CCTV video footage leh voter’s enrollment digital data an dil thin a, Election Commission chuan chhuanlam chi hrang hrang siamin an pechhuak duh lo va, heng te hian Election kalpui danah rinhlelhna a ti zual hle a ni.

Tunah hian kan hma lawka Bihar Assembly inthlan neih turah Electoral Roll Special Intensive Revision an nei mek a, hetah pawh hian thil diklo tam tak hmuhchhuah a ni a. Thenkhat thi tawh ang ten report a ni a, Draft roll te an tarchhuak duh lova, Intensive revision hi hmanhmawh takin an kalpui a, guideline anga kalpui a ni lova, Party te an rawn lova, thenkhat pem ang ten an report a, Rahul Gandhi an vote chor chungchanga Press Conference a neih veleh Electoral roll format an thlak thut bawk a, heng te vang hian mi thenkhatin Supreme Court ah Election Commission hi an khing mek a ni.

Supreme Court chuan EC hi Draft roll leh number tarchhuak vat tur leh an delete te an delete chhan mumal tak tarchhuak turin thu a pe a, party tin aiawh te hearing ah tel turin thu a pe bawk a ni.

India ram politics nasa takin a inher danglam mek a, BJP leh Pu Modi-a te duhlohna a pung tual tual a, Rahul Gandhi a lian tual tual thung. C-voter in Mood of the Nation poll July ni 1 atanga August ni 14 chhunga a survey a lakna ah Modi duhlohna a nasa tawh hle a ni an ti a, a tam zawkin India ram democracy hian beih a tawk mek a, dinhmun hlauhawm takah a awm a ni.