GIG Motors-in ni khata lirthei lei tura inziak lut tam ber record siam!

Aizawl | Sept 20, 2025: GIG Motors chuan vawiin khan ni khata motor la / lei tura inziak lut tam ber record an siam.

He thil thleng hi kum 2017-a GIG Motors an din tirh atanga ni khata lirthei la tur inziak lut tam ber tum niin, mi 45 zetin vawiin khan motor la mai thei turin an inziaklut a ni.

GST 2.0 hman tan tur avanga motor man offer san laia lak hman ngei tumin GIG Motors hnuaia ARENA leh NEXA Showroom kaltlanga ni khata motor lei / pek chhuah tura la san ber tum ni turin mi 45 lawihin vawiin khan a hauh lawkna an pe a, heng lirtheite hi karleh thawhtanni atanga pek chhuah runpui hmang turin an inbuatsaih a ni.

GIG Motors chuan an hnuaia Showroom - ARENA Edenthar, NEXA Thuampui, Commercial Chaltlang leh Lunglei Outlet atangin September thla chhung hian Motor 250 chuang pek chhuah theih an inbeisei a. GIG Motors atanga lirthei hralh tawh, vawiin thlenga Transport-a inziak lut fel tawh, Transport website-a tarlan hi lirthei 106 a tling tawh a ni!

Tun dinhmunah GIG Motors hnuaiah hian thalai 320 an thawk mek a, GIG Motors hian chhungkaw 300 chuang tan eizawnna ngelnghet an siamsak mek tihna a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]