Dampa Bye Electiona BJ Candidate atan Lalhmingthanga puang

Aizawl | Sept 22, 2025: Vawiin 22nd September, 2025 (Monday) hian BJP Mizoram State Office, Mipui Rûn, Upper Republic-ah Karthar Inhlanna neih niin, BJP State Vice President Malsawmtluanga'n inkhawm a kaihruai a, IEM State Secretary GK Ngaihte-in hunserh a hmang a, BJP Mizoram State President Dr K Beichhua, MLA -in Dampa bial By-Election lo awm tur atana BJP Official Candidate Lalhmingthanga a nih thu a puang.

Dr K Beichhua chuan thusawiin, "BJP Mizoram-ina Lalhmingthanga, West Phaileng khua ngei Candidate atan kan nei thei hi a lawmawm êm êm a, Dampa Bial ah hian vawi 3 a dinna tur a nih avangin Dampa Bial siamṭhat a duhna hi hei hian a tichiang hle in ka hria a ni," a ti.

Pu Beichhua chuan, "Dampa Bial hmasawnna turin BJP Mizoram chuan theihtawp kan chhuah dawn a, Dampa Bial mipuite mamawh leh tlakchhamna phuhru turin BJP chuan kan Candidate kaltlangin hma kan la dawn a, Health Sector lamah te, Zirna chungchangah te, kawng chhia chungchangah te, mipui mamawh thlensak ngei BJP chuan kan duh leh kan tum a ni," a ti.

Beichhua chuan sawi chhunzawmin, "Dampa Bial By-election lo awm tur ah hian Dampa Bial mipuite'n thlan tur dik an thlan a, Dampa Bial hmasawnna tura ngaihtuahna fim tak seng turin ka chah duh a, Party dangte chu kan hria a, Congress Party kan en chuan Central ah pawh tluchhe mek leh a bul ngêt mek a ni a, MNF lah kan hria a, Opposition an ni mek a, ZPM en ila, kum 1 leh thla 9 chhung an sorkar kan hmu mek a, ZPM te kal dan enin mipuite an lungawi thei lova, MLA ni mek bial te en pawhin hmasawnna thar han thlen hmuh tur a vang hle a ni. Chuvangin keini chuan Dampa Bial leh Central hi kan thlunzawm dawn avangin Dampa Bial mamawh tak tak chu BJP MLA kan thlantlin chuan kan nei thei dawn a ni. Tunah hian BJP-in MLA pahnih kan nei mek a, Delhi leh Siaha District chhung bial pahnihte kan thlun zawm mek a, chutiang chiah chuan, eirawngbawl turin Lungthu pathum a ngai angin Dampa Bial ah BJP Official Candidate kan thlantlin chuan Lungthu kimin rawng kan bawl thei anga hmasawnna kan hmu ngei dawn a ni," a ti bawk.

Lalhmingthanga, Dampa Bial BJP Mizoram Official Candidate chuan thusawiin, "khawvela Party lian berin a kei tehlul BJP aiawha ding tura min thlang hi ka lawm hle a, Party dang ah ka lo awm ve tawh a, BJP Office ka thlen hian a thlamuanthlak êm êm bik mai a, a mak ka tiin, a nuam ka ti hle a, National Party lian ber ah chuan kan zalen ru riau ta mai hi a lawmawm ka ti hle a ni," a ti.

Hmingthanga chuan, "ka Politics kalkawng hi a bumboh ve hle mai a, Pawl 9 ka nihlai aṭang daih tawhin Dampa Bial MLA nih ka lo tum tawh a, kan bial ka enin ka vei takzet a ni. Nimahsela sum leh paiah te neih ka neih ve loh avangin kan bial te beisei ang pawh kan phak lo viau mai , inthlahrun a na a, kan hruaitute duhthusam pawh kan phak loh chuan kan tling thei ta lo a ni. Vawiinah erawh Central-a sorkar mek BJP ah Official Candidate tur ka nih takah chuan Dampa Bial mipuite hnena ka chah duh chu ka fel ber ka ti lova, amaherawhchu Dampa Bial kei aia hmangaihtu an awm ka ring lo, Dampa Bial mipui te'n min thlang tling a nih chuan Dampa bial tana MLA ṭha ber nih ka tum dawn a, kan Bial hmasawnna turin a theihna apiangah hma kan la anga, Dampa bialah hmasawnna tak tak thlentir hi ka tum ber a ni. Chuvangin Dampa Bial mipuite khawngaih taka kan Bial hmasawnna tur atan thawhhona ṭha tak kan neih theih ngeina turin tun By-election lo awm tur hi Bial tana inlungrualna hun leh Party Politics dah ṭhaa kan veng leh khua tana ngaihtuahna dik siam ṭheuh turin ka sawm vek che u a ni," a ti bawk.

BJP Dampa By-election Official Candidate Lalhmingthanga hi Kum 1975, 4th February khan West Phaileng ah alo piang a, a nupui Lalchhanhimi nen fa pathum an nei a ni. Thiamna lamah MA B.ed niin, West Phaileng Secondary School Headmaster te, Gospel Centenary High School West Phaileng Dinthar-ah te Zirtirtu hna alo thawk tawh a, Kohhran rawngbawlna lamah West Phaileng Chhim Veng Presbyterian Kohhranah thuhriltu niin, Puitling Sunday School zirtirtu, Finance Committee ah Asst Secretary a ni bawk a ni.

Inkhawmah hian K Hrahmo, MLA chuan lawmthu sawina hun a nei bawk a ni.

BJP MIZORAM STATE HEADQUARTERS,

PRESS RELEASE

DATED THE 22ND SEPTEMBER 2025 : NO.BJP/MZ/HQR/PR-103.

DAMPA ASSEMBLY CONSTITUENCY BY-ELECTION LO AWM TUR ATAN PU LALHMINGTHANGA WEST PHAILENG KHUA CHU BJP OFFICIAL CANDIDATE ATAN PUAN A NI

Vawiin 22nd September, 2025 (Monday) hian BJP Mizoram State Office, Mipui Rûn, Upper Republic-ah Karthar Inhlanna neih niin, Pu Malsawmtluanga, State Vice President-in inkhawm a kaihruai a, Pu GK Ngaihte, IEM State Secretary-in hunserh a hmanga, Dampa bial By-Election lo awm tur atana BJP Official Candidate puanna hun Dr. K. Beichhua, MLA & BJP Mizoram State President-in a nei bawk a ni.

Dr. K. Beichhua chuan thusawiin, "BJP Mizoram-ina Pu Lalhmingthanga, West Phaileng khua ngei Candidate atan kan nei thei hi a lawmawm êm êm a, Dampa Bial ah hian vawi 3 a dinna tur a nih avangin Dampa Bial siamṭhat a duhna hi hei hian a tichiang hle in ka hria a ni," a ti.

Pu Beichhua chuan, "Dampa Bial hmasawnna turin BJP Mizoram chuan theihtawp kan chhuah dawn a, Dampa Bial mipuite mamawh leh tlakchhamna phuhru turin BJP chuan kan Candidate kaltlangin hma kan la dawn a, Health Sector lamah te, Zirna chungchangah te, kawng chhia chungchangah te, mipui mamawh thlensak ngei BJP chuan kan duh leh kan tum a ni," a ti.

Pu Beichhua chuan sawi chhunzawmin, "Dampa Bial By-election lo awm tur ah hian Dampa Bial mipuite'n thlan tur dik an thlan a, Dampa Bial hmasawnna tura ngaihtuahna fim tak seng turin ka chah duh a, Party dangte chu kan hria a, Congress Party kan en chuan Central ah pawh tluchhe mek leh a bul ngêt mek a ni a, MNF lah kan hria a, Opposition an ni mek a, ZPM en ila, kum 1 leh thla 9 chhung an sorkar kan hmu mek a, ZPM te kal dan enin mipuite an lungawi thei lova, MLA ni mek bial te en pawhin hmasawnna thar han thlen hmuh tur a vang hle a ni. Chuvangin keini chuan Dampa Bial leh Central hi kan thlunzawm dawn avangin Dampa Bial mamawh tak tak chu BJP MLA kan thlantlin chuan kan nei thei dawn a ni. Tunah hian BJP-in MLA pahnih kan nei mek a, Delhi leh Siaha District chhung bial pahnihte kan thlun zawm mek a, chutiang chiah chuan, eirawngbawl turin Lungthu pathum a ngai angin Dampa Bial ah BJP Official Candidate kan thlantlin chuan Lungthu kimin rawng kan bawl thei anga hmasawnna kan hmu ngei dawn a ni," a ti bawk.

Pu Lalhmingthanga, Dampa Bial BJP Mizoram Official Candidate chuan thusawiin, "khawvela Party lian berin a kei tehlul BJP aiawha ding tura min thlang hi ka lawm hle a, Party dang ah ka lo awm ve tawh a, BJP Office ka thlen hian a thlamuanthlak êm êm bik mai a, a mak ka tiin, a nuam ka ti hle a, National Party lian ber ah chuan kan zalen ru riau ta mai hi a lawmawm ka ti hle a ni," a ti.

Pu Hmingthanga chuan, "ka Politics kalkawng hi a bumboh ve hle mai a, Pawl 9 ka nihlai aṭang daih tawhin Dampa Bial MLA nih ka lo tum tawh a, kan bial ka enin ka vei takzet a ni. Nimahsela sum leh paiah te neih ka neih ve loh avangin kan bial te beisei ang pawh kan phak lo viau mai , inthlahrun a na a, kan hruaitute duhthusam pawh kan phak loh chuan kan tling thei ta lo a ni. Vawiinah erawh Central-a sorkar mek BJP ah Official Candidate tur ka nih takah chuan Dampa Bial mipuite hnena ka chah duh chu ka fel ber ka ti lova, amaherawhchu Dampa Bial kei aia hmangaihtu an awm ka ring lo, Dampa Bial mipui te'n min thlang tling a nih chuan Dampa bial tana MLA ṭha ber nih ka tum dawn a, kan Bial hmasawnna turin a theihna apiangah hma kan la anga, Dampa bialah hmasawnna tak tak thlentir hi ka tum ber a ni. Chuvangin Dampa Bial mipuite khawngaih taka kan Bial hmasawnna tur atan thawhhona ṭha tak kan neih theih ngeina turin tun By-election lo awm tur hi Bial tana inlungrualna hun leh Party Politics dah ṭhaa kan veng leh khua tana ngaihtuahna dik siam ṭheuh turin ka sawm vek che u a ni," a ti bawk.

Pu Lalhmingthanga BJP Dampa By-election Official Candidate hi Kum 1975, 4th February khan West phaileng ah alo pianga, A nupui Lalchhanhimi nen fa pathum an nei a ni. Thiamna lamah MA B.ed niin, West Phaileng Secondary School Headmaster te, Gospel Centenary High School West Phaileng Dinthar-ah te Zirtirtu hna alo thawk tawh a, Kohhran rawngbawl na lamah West Phaileng Chhim Veng Presbyterian Kohhranah thuhriltu niin, Puitling Sunday School zirtirtu, Finance Committee ah Asst Secretary a ni bawk a ni.

Inkhawm ah hian Pu K. Hrahmo, MLA chuan lawmthu sawina hun a nei bawk a ni.

Issued By IT & Media Department, BJP Mizoram Headquarters: Aizawl, Mizoram.