AMCECC-in Mass Casual Leave la chhunzawm - Sorkar hna kal lai leh ruahman sa eng emaw zat a khaihlak

Aizawl | Sept 10, 2025: All Mizoram CSS Employee Coordination Committee (AMCECC) chuan an thil phut sorkarin a la tihhlawhtlin loh avangin a ni hnihna atan Mass Casual Leave an la chhunzawm zel a, vawiin Ni 10.9.2025 a Mizoram hmun hrang hrang a an lungawi lohna lantir chu memberte’n an zawm tha hle.

Report kan dawn chinah nimin ang bawkin Mizorama Sorkar hnuaia CSS a thawktu an nawrh mek avangin Sokar hna kallai leh ruahman sa eng emaw zat a khaihlak mek a. Training program leh activity dang pawh engemawzat chu a bahhlah phah a ni. District hrang hrangah pawh AMCECC Sub Headquarters ruahmanna angin MCL hi tluang taka kalpui zui zel ani a. AMCECC Headquarters leh Sub Headquarters hruaituten anmahni huamchhungah pisa kai an awm leh awm loh ngun takin an vil zui zel bawk. AMCECC hruaitute chuan member ten MCL an zawm that vangin lawmthu an sawi a. Lungrual taka thawkho zel turin an in ngen nghal bawk a ni. AMCECC chuan sorkar-a an lungawi lohna an lantir avangin mipuiin harsatna nasa tak an tawk mek tih hriain mipuite hriatthiamna an ngen tak zet a ni.

Tarlan tawh angin, AMCECC in lungawilohna Mass Casual Leave hmanga an lantir mek hian naktuk thleng a awh dawn a. Hemi chhunga Sorkar atanga thu lawmawm emaw an lungawina khawp thu dawn a awm loh chuan an kal zel dan tur an ngaihtuah leh dawn a ni. Tun thlengin Sorkar atangin inbiakna a la awmlo a ni.

AMCECC hian sorkar-a an thil phut hrang hrang, Regularization of CSS Employees Scheme, 2024 a taka hman te, Health Department hnuaia PE Health Worker mi 31-te CSS Scheme hmanga a dahngheh sut leh te, CSS hnuaia thawkte dan lova lak anga sawi chungchanga a mawhphurtu zawn chhuah leh Action lak te chu a hlawhtlin ngei an beisei a, a hlawhtlinna an hmuh hma chuan lungawi lohna hi kalpui zel an tum a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]