Aizawl District chhungah Polling Station thar 35 siam belh dawn

Aizawl | Sept 18, 2025: Vawiin khan District Election Officer, Aizawl District Er.Lalhriatpuia IAS kaihruaina hnuaiah District Level Standing Committee on Rationalization of Polling Station,Aizawl District chuan DC Conference Hall-ah an meeting.

Vawiin meeting-ah Election Commission of India (ECI) in voter te tana remchan zawkna ngaihtuaha, voter 1200 aia tam awmna Polling station te, Polling station pahnih a then/ (polling station thar siam belh ) tura thupek a chhuah bawhzuia DEO office, Aizawl hmalakna leh Polling Station thar 35 siam belh tura proposal an siam chu meetingah pharh niin, DLSC chuan lungrual takin proposal hi a pawmpui a ni.

Aizawl district hnuaiah hian voter 1200 aia tam awmna PS 35 a awm avangin, PS thar 35 siam belh tur a ni a. Polling station thar siam belh tur hi a veng chhunga Political Party hrang hrang leh tlawmngai pawl hrang hrang te hriatpuina leh pawmpuina hnuaiah AERO leh BLO ten a hmunah enfiah vek hnua proposal hi siam a ni.

PS station thar 35 siam belh bakah hian Polling station thar siam belh lova,Voter siksawi rem channa Zemabawk -II leh Bethlehem Vengthlang-I hnuaia Polling station-a voter thenkhat chu Zemabawk-V& VI a sawn an ni dawn a. ITI Veng-I & II hnuaia PS pahnih YMA community Hall-a mi chu ITI Block-II a sawn a ni dawn bawk.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]