Sum duh lutuk hi!

- Chuana Sailo

Facebook lamah hlawh a neih theih tih a rawn lar hluai a, tichuan Kan acount chu kan mawnitais ta sup sup mai a. Chutia sum hlawh thei dinhmun a Kan Han inrem fel tak hnuah chuan Hotute lamin dan leh hria an lo zam ve techu ngaihtuah Chiang lem.hlei lovin post Kan Han Siam hlawm ta nuaih nuaih mai a..hei tak hi ani ka sawi duh chu.

Sum hi tu pawn Kan mamawh a a tello chuan Kan awm theilo tawp tawh ani. Sum ngah te hi chu chakawm ve deuh mai ania...diktak chuan. Tupawh in mi zahawm Kan Han teh naah pawh sum a ngah leh ngah loh ah ani tlat zel ani .. sum ngah deuh thil tha tih chu fak pawh kan fak hreh lo. Sum ngah lo thil tha tih erawh Kan fak tha duh mang lo thung. Mahse sum Kan zawn lutuk na lamah hian a rethei a hausa in Kan phek buai luai luai a mawi leh mawilo pawh kan thlu thei ta mang lo anih hi. Sum ka neih dawn chuan ka bula miin tuar deuh dawn mahse pawi tihna Kan nei ta heklo... Ram hruaitu atanga a te ber thlengin Kan rilru put hmang ani vek tawh mai.!!

Sum hlawh Kan tum luata social media Lama Kan thil post duh thin mawlh mai hian ngaihtuah a ti thui vang vang hle a ni. A hmaa in thukru deuh hram hram mahni hmel pawh tilang tha duhlo khan awmbawr leh mawngtam puar lai langsar deuh lah ten Kan Han in post vel ta ania.🤭

He facebook tual laia sum pawh hi hotute lamin chuti taka awl-ai a chhar zung zung theih Turin an lo duang bik lova mi mitfukna bik nih te, thawhrim a nena hlawh ngai tur tho in an Siam ve leh tho a...chu chu nghak zo lovin thenkhat chuan awlsam taka sum hlawh Kan tum luat ah mi pawi te Kan sawi a, mi rilru natna te Kan thlen a, thenkhat phei chu an inti mualpho a, an taksa pawh ui zo lovin an in pho char bawk.

Hetiang teh nuaih hi Kan la nih chhoh zel hmel a, a nghawng tur chu kan ngaihtuah aiin a pawi dawn niin a lang a ni.

Facebook atang hlawh neih tum te hriat atan.

1. Ka thil post hian mi pawi a sawi em? Tih ngun takin ngaihtuah thin angche.

2. Ka thil post hi thu belhchian dawl, rintlak leh fiah ngam a ni em? Tih ngaihtuah fo angche.

3. Sum ka hlawh duh vangin mi rilru hreawm takin ka dah em? Tih ngaihtuah fo la. Mi inhau, mi che fuhlo palh lai video. Mi mualphona video reng reng share zung zung ngai suh.

4. Kei in Sum ka hlawh laiin tuemaw chuan ka sum hlawh duh luata mi video ka post mualpho avangin thihna ruamah hial ka nawr liam thei a ni tih ngaihtuah fo la, mite lungaihna thlen ai Chuan hlawh neilo ngam rawh.

5. Sum hlawh i tum vang maiin saruak teng tung emaw..mawilo takin lang kher suh.

6. I lo ngam huai viau anih pawn he ka thil post hi nakin zelah ka nau/ka fanu/Fapa/ ka pa/ ka nu ten hmu ve se hlim taka kan en ho theih tur ani em? Tih ngaihtuah fo angche.

7. Sum ngainat lutuk hi sual tinreng bul ani tih hi thu dik tak ani. Chuvangin sum hmangin nangmah in theh dere lo la, midang natna tur thlen kher bawk suh....

8. Sum hlawh a, sang taka in vawrh I duh chuan nangma pualin video dangdai tak pawi sawi lo ngaihtuah la, rim takin thawk rawh. Mi video Siam sa...hah tak leh tha leh zung senga an lo buatsaih sa kharchhawng ringawt lovin nangma pual in thawk chhuak rawh..

9. Milar tawh sa chanchin emaw an music video kharchhawng ringawt a sum lo lak luh tum hi mi phakar Zia diktak ani tih hria la.... Milar music video ILO share ve zung zung khan hah taka thawkchhuak tu...music video neitu sum lak luh tur ho lam takin ILO ti kiam duai duai ani tih hria angche. A video siamtui/ neitu sum lakluh tur ang lalut lovin ILO Siam thei tih hria la. Mi kuhmum a lo par ve phet tum suh.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]