Sept 6 zanah Mizo film chhuak thar 'Hretu Der'

Aizawl | August 25, 2025: Mizo film chhuak thar tur, nghah hlelhawm em em 'Hretu Der' ( The silent witness) tih chuan September ni 6th hian Vanapa hall ah ropui takin release ani dawn ta.

He Film hi Project Unlimited Production first features tur niin, Runmawi app produce ani bawk. Project unlimited founder hi Vanlalawmpuia ( Opix Renthlei) niin, Expereince pawh an ngah thawkhat ang tih a rinawm a, ani hian mizo film industry ah sulhnu ropui tak tak lo nei tawh kha niin, Hretu der tih hi a zaiktu leh director ani bawk.

He film hi suspense crime thriller action movie tur niin, Runmawi app ah en theih in chhawpchhuah ani bawk ang.

Tunlai mizo artist ropui tak H.O.M pawh Mizo film industry rawn luh chilh ve in, ani hian role pawimawh tak a rawn la dawn bawk a, Zuali chhangte pawh he film ah hian changtunu tur a ni bawk.

Mizo film acting lama kan lo hmelhriat tha tak tak te an in lan dawn bawk a, Andrew Lalruatfela, Eddie Tochhawng, Laraw Colney, Vanlalmalsawmi, Hma-i varte leh Lalduhawma te kan hmu leh dawn a, ani hi Darchhinpuii a role hneh taka lo la tu kha ani, Leitlang pictures atanga role tha lo la fo tawh te an ni nawk hlawm a, heng vang ringawt pawh hian Acting skills tha tak tak hmuh a beiseiawm.

Heng mai bakah hian, acting lam a mithar kan hmu nual dawn bawk ani. Venus studio chu DOP niin.

Nicholas Remruatpuia leh Zodinpuia te chu Cinematographer an ni bawk. Makeup Artist hi Ashie Varte niin, An ni ho hi, Project dang ah pawh lo thawk ho fo tawh in, film tha tak tak min chhawpchhuah sak tawh tu te niin, he film pawh hi a theuneu lo viau in a rinawm.

Mizo film tha tak tak minlo chhawpchhuah sak tawh tu, Opix Renthlei chuan, Hretu der hi a project khawih tawh zawng zawng a, a la hlut ber leh mipui te mit leh beng a tlai hle turah ngaiin a beisei pawh a sang hle bawk a ni.

Mi rethei leh hausa kar hlat zia kan hriat theuh bakah, Mizo society ah chuan dan leh dun ten dik takin ro a rel hleih theihloh na avang a tum loh taka in bumna leh tualthah na thlen dan , Crime scene hmuhnawm tak leh action bakah scene danglam tak, kan la hmuh zen zen ngailo, mizo film a la awm ngailo thil te pawh hmuh tur a awm dawn ani.

'Hretu Der' tih hi September ni 6 zanah Vanapa Hall-ah release cum premier function nei turin mi zawng zawng a sawm a, ahmunah ticket a lei theih bawk dawn a, Runmawi app lam ah tlawm te in a lei theih bawk ang.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]