PATHIAN THUNUNNA CHU I ṬHATNA TUR A NI

_I Khawthlir Dan Thlak_

- Rick Warren 

- Aug 25, 2025

“Ngai rawh, Pathianin mi a thunun chu a eng a thawl e; chuvangin, engkimtitheia thununna chu ngainep suh.”  Joba 5:17

 

Pathian kohna ata i tlan bo anih chuan, thil pakhat i hriattur a awm: Pathianin a ko leh a che.

I tlan bo thui poh leh, i nun a chhe zual dawn. A tlai hma hian a aw ngaichang leh turin a duh che.

Pathian chu dawhthei tak nimahsela, a kohna chu i haider reng a phal lo vang. Pathian chuan i awm ang ang khan a hmangaih che a, tuna i awm anga a awm tir nachhan che pawh a hmangaihna nasat vang a ni.

Engtikniah emaw chuan a hnen lam ila hawi ang.   

Zawlnei Jona khan Pathian kohna kalbosana lawng danga chuan daih chu harsa a ti hle mai. Lawnga a chuan lai chuan, thli a lo tleh a, “… tuifinriat chu a fawn nasa telh telh si a.” Jona 1:11

Jona kha a tlanbo nasat poh leh a chan a chhia a ni. A tlanbona khan nghawng tam tak a nei a ni.

Chutiang chiah chu i dinhmun pawh a ni. Pathian lak ata i tlanbo chuan thliin a lo bawm nghal ang che. A chang chuan khang thlite kha Pathian thununna an ni. Pathianin a thunun che a nih chuan,  i chhiatna tur a ni lo. A hmangaih vang zawk che a ni.

Nu leh paten an fate an hmangaih chuan an thunun thina, a chhan chu anmahni thatna turin danglam se tih an duh vang a ni. Chutiang chuan Pathianin a ti thin. Bible chuan,  “Ngai rawh, Pathianin mi a thunun chu a eng a thawl e; chuvangin, engkimtitheia thununna chu ngainep suh.”  Joba 5:17

Thli a tleh nasat poh leh, Jona chuanpui lawng a miten zawhna an ngaha, mi pawhin zawhna an ngah thin, hetiangin, “tuifinriat hi a fawn loh nan … eng nge kan tih ang?” Jona 1:11. A chhanna chu ala ngai reng. I nun zawng zawng Pathian hnenah hlan rawh. I inhlan zawh rual rualin thlamuanna  alo thleng ang. 

Jona chu a inhlan a. Hetiang hian a sawi a, “Min la kang ula, tuifinriatah hian min theh chhuak rawh u; chutichuan tuifinriat hi in tan a fawn tawh lo vang; keimah avangin in chungah he thlipui na tak hi a tleh a ni.” Jona 1:12

Chu chu Jonan mahni hmasiallo a bul a tan tharna a ni. Thli a tlehna chhan chu amah a ni tih a inpawm a, Pathian hnenah a inhlan tawp a ni.

Kha leh chen kha Pathian hnen ata i tlanchhiat avangin, thli tlehin a lo hmuak ve ta che a ni. A hnenah inpe rawh. Jonan a tawrh ang chiah chiah chu i hmu tawh lo maithei - nimahsela i buaina chu a na ve hle ang. Hei hi a ni chanchin lawmawm chu, Pathianin a ko leh che a, inringtawk takin a hnen pan rawh.     

Ngaihtuah zui atan

* Pathianin i nun a thunun theihnan engtiangin nge thli a lo hman tawh?

* Thli hrang hrang i nunah a lo tleh thin a. A lam i hawi theihnan Pathianin i tan eng thli nge a hman thin le?

* Pathian hnena inhlan turin eng nge i hlauh ber? Engvnagin nge ke i pen theih loh?

*[Lettu: Sangpuia]*