Ruihhlo mana inhnamhnawiha puh Republic Veng khua leh tui a nih ve rem ti tawh lo!

Aizawl | August 4, 2025: Republic Veng Joint Action Committee chuan Ruihhlo mana inhnamhnawih nia hriat Republic Veng khua leh tui a nih ve rem ti tawh lo!

PRESS RELEASE

Aizawl, the 2nd August, 2025

August ni 1, 2025 (Zirtawpni) a Mizoram CID (Special Branch) leh Special Narcotic Team ten B. Lalṭhazuala (45), Republic Veng a khawsa motor TATA YODHA pick-up truck (Registration No. MZ 01X 5782) aṭanga Crystal Methamphetamine (20.304 kilograms) leh Heroin (1.652 kilograms) zet an man chungchangah Republic Veng Joint Action Committee chuan Emergency Meeting neiin hetiang hian hmalak dan tur a rel a ni.

1. Mizo ṭhalai duhawm tak tak te nunna nasa taka suattu, kan ram leh hnam hmelma ruihhlo, kan khawtlangin theihtawp chhuah a kan do mek laia Republic Vengchhunga khawsa hetiang thila a lo inhnamhnawih hi zahthlak kan tiin pawi kan ti takzet a ni. A phu tawk ang ngei hremna pek ni rawh se.

2. B. Lalṭhazuala hi Republic Veng khua leh tui a nih ve rem kan ti tawh lo a. Eng hunah pawh Republic Vengchhungah a khawsa thei tawh lovang.

3. Republic Veng huamchhunga khawsa mitinte ruihhlo leh a kaihhnawihah reng reng inhnamhnawih hauh lo turin kan inhriattir thar leh a. Heti chunga lo la inhnamhawih lui kan awm anih chuan khawtlangin a ṭul anga action a laknaah sawisel theih a ni lovang.

4. Mizoram CID (Special Branch) leh Special Narcotic Team te thawhrimnaah lawmthu kan sawiin kan chhuang hle a. Sawrkar tha tichak tur hian mi tinte theihtawp chhuah a, a ṭul anga puibawm zui zel turin kan inngen nghal bawk a ni.

Sd/- F. VANRAMSANGA

Chairman

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]