NHM Employees Union, Mizoram (NEUM)-in 'CSS ni lo zawka ngaih' Health Worker 31 dahngheh hriatthiam har ti, ngaihtuah tha leh turin sorkar an duh!

# CSS hnuaia thawk chiang ngêi ten kan hman ve hma leh kan hman theih lohna tur kawng hrang hrang min siam sak leh CSS ni lo zawka ngaihte’n he Scheme an hmang bik hi kan sorkar hian ngaihtuah tha leh ngei rawh se! - NEUM

# Health Worker – 31 te hnena an chanvo dik tak – regularization a pek hian Sawrkar chuan mipuite leh a hnathawkte lakah a tih tur dik tak a ti a ni - Health Deptt.

| Contract Health Worker te punkhawmna | File Pic. |

Aizawl | August 28, 2025: NHM Employees Union, Mizoram (NEUM)-in Co terminus-a lak Health Worker mi 31 te CSS hnathawk anga treat a, dahngheh an ni duh lo.

NHM Employees Union, Mizoram (NEUM) chuan, "an hlawh lakna Head CSS a nih avang hian CSS employee an nihna pakhat mah a awm lo mai ni lovin anmahni ngei pawhin CSS employee-ah an inngai ngai lo a ni. Hetiang dinhmun a nih mek laia The Govt. of Mizoram Regularisation of CSS Employees Scheme 2024 hmanga dah ngheh an ni hi hriatthiam har kan tiin CSS hnuaia thawk chiang ngêi ten kan hman ve hma leh kan hman theih lohna tur kawng hrang hrang min siam sak leh CSS ni lo zawka ngaihte’n he Scheme an hmang bik hi kan sorkar hian ngaihtuah tha leh ngei rawh se," an ti.

NHM EMPLOYEES UNION, MIZORAM (NEUM)

PRESS RELEASE

1. Health & Family Welfare lehkha No. A.12026/2//2010-DHS/MPW(M) dated 21st October, 2014-in a tarlan danin Health Worker MR Skilled - II te hi fixed remuneration (Rs. 310/- per day) atan lak an ni a, hei hi DP&AR leh Finance Dept. lam phalna thlapa lâk an ni ngêi mai.

Amaherawhchu, he Order-ah hian Co-terminus basis a lâk an nih thu leh regular an claim theih loh thu chiang taka tarlan a ni, heti chung hian Department hotuten an hamthatna tur ngaituah leh an ngheh theihna tur kawng hrang hrang an dap sak a, Co-terminus an nihna pawh delete-na tur Proposal an kal tir leh zel a ni. An hlawh lakna Head CSS a nih avang hian CSS employee an nihna pakhat mah a awm lo mai ni lovin anmahni ngei pawhin CSS employee-ah an inngai ngai lo a ni. Hetiang dinhmun a nih mek laia The Govt. of Mizoram Regularisation of CSS Employees Scheme 2024 hmanga dah ngheh an ni hi hriatthiam har kan tiin CSS hnuaia thawk chiang ngêi ten kan hman ve hma leh kan hman theih lohna tur kawng hrang hrang min siam sak leh CSS ni lo zawka ngaihte’n he Scheme an hmang bik hi kan sorkar hian ngaihtuah tha leh ngei rawh se.

2. NHM hnuaia thawkte nghehna turah chuan Article 14 & 16 (hna dil tura intluk tlanna chungchang) kan bawhchhiat(violate) theih thu an sawi fo thin a.The Gov’t of Mizoram Regularisation of CSS Employees Scheme 2024 hmanga Provisional Employee te dah nghehna tura Article 14 & 16 bawhchhia in NHM(CSS) hnuaia thawk mek, senior zawkte kal kân a, Junior zawkte an dahnghet ta mai hi hriatthiam har kan ti hle a, he appoinment order hi kan Sorkar hian a rang thei ang bera sut leh turin kan phût tlat a ni.

3. Kan ram roreltuten tunhnaia an thusawina hrang hrangah NHM hnuaia thawkte chu India danpui kalha lak kan nih thu an sawi hi mak kan ti hle a. Kan ram roreltu lu ber Chief Minister meuh pawhin Independence Day lawmna ni pawimawh lutuka kan chungchang a sawi chhuah dan te hi hriatthiam har kan ti a. NHM hnuaia thawktute mipuite hriata min hnuaichhiahna thu a sawi leh hmun dangah pawh a sawi chhunzawm zel hi a na kan ti hle a ni, Article 1 4 & 16 kan dikna chanvo min humhalh sak tur ber hi keimahni min hnuaichhiah nan a letling daih a an hmang hi kan hrethiam lo takzet a, hei baka discrimination hi a awm thei dawn em ni tih hi kan zawhna a ni.

4. Memo No.A.17014/39/2005-HFW of date, the 19th Dec. 2005 in a tarlan angin Gov’t of India, Ministry of Health & Family Welfare, New Delhi chuan Gov’t of Mizoram chu State Health Mission din tura a tih angin din a ni a, Chairman ah State Chief Minister, Co-Chairman-ah State Minister, Health & Family Welfare, Member Secretary ah Principal Secretary, Health & Family Welfare bakah Minister paruk (Social Welfare, PHE, LAD, Rural Development, Planning Deptt. leh Finance Deptt.) te Political party aiawh tinte, bakah Chief Secretary leh Department pakua atangin Secretaries leh Non Official Members (NGOs 4 atang tein) a din a ni. He State Health Mission hnuaiah hian State Executive Committee din a ni a, Chairman atan Principal Secretary /Secretary (H&FW) ruat a ni a, Sorkarin Mission Director (NHM/NRHM) atana a ruat te hi Convener / Member Secretary an ni bawk, he Committee kaltlanga hna lak thin hi India dânpui kalh a nih leh nih loh chiang takin Health & Family Welfare Department hian sawifiah rawh se.

(H. LALRINMAWIA) (K. LALRAMMAWIA)

General Secretary President

Hemi chungchanga Health & Family Welfare minister thu hla:

Health & Family Welfare minister Lalrinpuii chuan, ‘The Government of Mizoram Regularization of Centrally Sponsored Scheme (CSS) Employees Scheme, 2024’ hmanga tun hnaia health worker 31 dah nghehte chu Ministry of Health & Family Welfare hnuaia centrally sponsored plan scheme hnuaia lak an nih thu leh, dan ang thlapa lak leh dah ngheh an nih thu a sawi.

CSS Regularization Scheme, 2024-in eligibility criteria a sawi leh, DPAR-in check list a siamte zawm leh nei famkim vek an nih avangin Infrastructure Maintenance Scheme hnuaia health worker-te hi dah ngheh (regularised) an nih theih nan sorkarah thlen a ni.

☑ MR/PE 31-te regularization proposal chu DPAR (ARW)-in ngun taka an lo endik hnuah approval a pe a, Finance department pawhin approval a pe.

☑ August 15, 2025-a Departmental Promotion Committee (DPC) ṭhukhawmin mi 31-te hi sorkar hnathawk nghet turin a recommend.

☑ Fimkhur thu-ah Implementation of Health & Family Welfare Programme Scheme atana central sum hmuh hi CSS-a chhiar tur a nih leh nih loh Finance department-ah zawh a ni a; Finance department chuan ‘The scheme for Implementation of Family Welfare Programme is confirmed as a CSS tiin a nemnghet.

☑ Law & Judicial department thurâwn lak a ni a, ‘... there is no legal infirmity in the regularization process and the department is advised to proceed with the decision of the DPC’ a ti.

HEALTH & FAMILY WELFARE DEPARTMENT HNUAIA MR / PE HEALTH WORKER 31 TE TIHNGHEHNA CHUNGCHANGA THIL AWM DAN SAWIFIAHNA - Health Dept

August 25, 2025

1. Health & Family Welfare Department, Government of Mizoram chuan Centrally SponsoredScheme (CSS) hrang hrang a kalpui thin a. Chung CSS zinga kum 2010 atanga a lo kalpui tawh pakhat chu “Implementation of Family Welfare Programme” a niin, hemi hnuaia component a kalpui pakhat chu - Infrastructure maintenance (Sub Centre)” a ni. He scheme hi Central Sawrkar - Ministry of Health & Family Welfare hnuaia Centrally Sponsored Plan Scheme hnuai a mi a ni.

2. Department chuan he IM Scheme hnuaiah hian kum 2013 khan Sawrkarah Health Worker 50 lak phalna a dil a. Sawrkar chuan MR Skilled–II basis a lak phalna a rawn pe a. Amaherawhchu, an engagement card-ah chiang takin ‘co-terminus with the scheme’ ziah lan kher tur a ti nghe nghe a ni.

3. Sawrkar dan ang thlapin Health Worker MR employees 50 (fifty) lakna tur advertisement chhuah a ni a. Written exam leh DPC hmaah personal interview an paltlang vek hnuah Health Worker thawk turin mi 50 te chu Appointment pek an ni ta a.Tun dinhmunah hian thi leh bang an awm avangin mi 32 in an hna hi an la thawk chhunzawm mek a, Scheme borne an nih avangin PE Regularization Scheme, 2020 dan hmanga tihngheh theih an ni lo.

4. Hetih lai hian kum 2024 khan sorkar chuan CSS hnuaia thawkte dahnghehna tur “TheGovernment of Mizoram Regularization of Centrally Sponsored Scheme (CSS) Employees Scheme,2024”asiama(videNotificationNo.A.32013/38(Pt.)/2021-P&AR(GSW)dt.18.06.2024)

5. CSS Regularization Scheme, 2024 in eligibility criteria a sawi leh, DP&AR in check list a siamte zawm leh nei famkim vek annih avangin he IM scheme hnuaia Health Worker-te hi dahngheh (Regularised) annih theih nan Sawrkarah thlen a ni ta a.Mi 32 zinga mi pakhat hian CSS regularization check-list documents a neih kim loh avangin regularize ve theih a ni dawn lova. Tichuan, MR/PE 31 te regularization proposal chu DP&AR(ARW)-in ngun taka an lo check hnuah approval a pe a(vide I.D.No.ARW/HFW-(29)/2025-2026/D-42 dt. 28.05.2025), FinanceDepartment pawh-in approval a pe bawk a, (vide I.D.No.FIN(E)HFW:97/2025 dt. 16.06.2025). Hemi hnu ni 15.07.2025-a Departmental Promotion Committee (DPC) thukhawm chuan heng mi 31-te hi Sawrkar hnathawk nghet (Regular) turin a recommend leh ta a ni.

6. Amaherawhchu, fimkhur thu ah - Implementation of Health & Family Welfare Programme Scheme atana Central sum hmuh hi CSS a chhiar tur a nih leh nih loh Finance Department ah zawh a ni a. Finance Department chuan – “The scheme for ‘Implementation of Family Welfare Programme’ is confirmed as a Centrally Sponsored Scheme”tiin a rawn confirm leh bawk a. (vide I.D.No.FIN(EA):238/2025-26 dt. 07.08.2025).

7. Tin, Law & Judicial Department thurawn lak a ni leh bawk a. Law & Judicial Department chuan “The matter regarding regularization of 31 Health Workers on MR/PE basis has been examined in the Law & Judicial Department and is hereby returned with an observation that there is no legal infirmityintheregularizationprocessandthedepartmentisadvisedtoproceedwiththedecisionof the DPC” tiin thurawn a pe bawk. (vide I.D.No.LJD 16/2025/71 dt. 20.08.2025.)

8. Sawrkar dan leh dun engkim zawh famkim a, dan ang thlapa CSS Regularization Scheme, 2024 hnuaia regularize theih Health Worker 31 lai kan nei hi Department chuan lawmawm a ti hle a.

9. Tuna Health Worker – 31 te hnena an chanvo dik tak – regularization a pek hian Sawrkar chuan mipuite leh a hnathawkte lakah a tih tur dik tak a ti a ni.

Ads:

Modern Industry, Chaltlang

Steel Fabrication, Stainless Steel Fabrication

(Steel hmanga siam chi bungrua leh hmanrua hrang hrang kan siamsak thei.)

Contact: +919612327177

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]