"sawhthing hi pawisa kan neih loh avanga ba kan ni lova, a dawngtu turte an buai a ni, thil dik lo an ti a, kan enfiah mek,"

Aizawl | August 28, 2025: Chief Minister Lalduhoma chuan, sawhthing hi pawisa kan neih loh avanga ba kan ni lova, a dawngtu turte an buai a ni, thil dik lo an ti a, kan enfiah mek a, social audit te kan bei mek a, a fel chin chu kan clear zel, a ti.

He thu hi vawiin khan House a hrilh a, Sawhthing man bat chungchang zawhna chhangin a sawi a. "Hand holding kha min zawt a, D-A-H a ni em? a ti a, khang zawng zawnga khan D-A-H vek a ni, kha chauh kha a ni lo. entrepreneur ho zanwg zang tan poawh, dah vek a ni, innovator te tan pawh dah a ni a, CM Innovation Award kan siam a, challenge kan siam a, lawmman dawngte an awm a, tiang chuanin Special Package te pawh kha D-A-H vek a ni a, tiang chuan, tunah hian hand holding hnuaiah khan a awm vek a, chumi bik atan, chumi bik atan tih a ni lo. Tin, tuna Sawhthing hi pawisa kan neih loh avanga ba kan ni lova, a dawngtu turte an buai a ni, thil dik lo an ti a, kan enfiah mek a, social audit te kan bei mek a, a fel chin chu kan clear zel," a ti bawk.

CM Lalduhoma chuan, "Ministerin kha kha chiang takin a sawi tawh a ni, fiahna tham chu a sawi tawh a ni., chu chu a ni a, chuvang chuanin, Khuai khawi te pawh, kan D-A-H zel dawn, a bik takin, Rubber huanah khuai khawi nen hian kan ti kawp dawn a, chutah chuan, ram te an lo nei tha bawk a, Dampa bial phei chu kan duhsak bik dawn a ni," a ti bawk.

Ads: