Mizo Talent-ah mi 14 an la awm, zaninah intihsiak leh dawn

Aizawl | August 21, 2025: LPS Vision Production buatsaih 'Mahindra XUV 3XO Mizo Talent' intihsiaknaah mi 14 chiah intihsiak tur an awm ta a, zanin dar 8-ah intihsiakna neih a ni dawn.

Mizo Talent intihsiakna sang hi LPS Arena, Falkland-ah bawk neih chhunzawm a ni dawn a, Show hi LPS 1-ah live-a pek chhuah a ni leh ang a, LPS Vision YouTube channel-a live chu member tan a en theih dawn a, a hmunah mipui tan a chhim theih a; tikcet a awm tawh dawn a ni.

Zanina intihsiakna neih turah hian mi 14-te an inlan nghal vek dawn a, chung mite chu - Aizawl Breakerz ; Jacob Lalhmingmawia, Baktawng Venglai; Lucy Lalthazuali, Venglai East, Kolasib; Lalawmpuia Tochhawng, Ramhlun North; Lalrinawma, Nalzawl; TG Reeds, Team Unknown, Vanlalhlupuia, Kanan Veng; Zomuani, Edenthar; 2MG (2 Magician); Margareth Malsawmzuali, Ramhlun South; Lalrintluanga, Khuangpuilam, Kolasib; Dp-i, Armed Veng South leh Elisha Lalramdina, Durtlang te an ni.

Mahindra XUV 3XO Mizo Talent hian mipui ngaihhlut a hlawh hle a, First round leh top 30 round intihsiakna neih a nih khan TV leh Yotube atanga thlirtu an thathnem bakah intihsiakna hmuna chhimtu an thahnem thin a; a tha zual thlan chhuah mi 14 ten intihsiakna an nei tur pawh hi thlir tu an tam leh beisei a ni.

Mizo Talent hi August ni 5 atang khan neih tan a ni a, ni 5 atanga ni 6 chhung khan first round intihsiakna neih ani a, top 30 round chu August ni 14 atanga ni 16 chhung neih leh a ni a, top 10 round chu zaninah neih tan ani anga, ruahman lawk dan chuan August ni 30 zanah a hmawrbawkna neih tum a ni.