Lok Sabha MP-in BRO DG hnenah zangnadawmna vbch 82 tangah hma laksak turin ngen

Aizawl | August 13, 2025: Nimin (Aguust ni 12, 2025) tlai khan Lok Sabha MP Richard Vanlalhmangaiha chuan Border Road Organisation (BRO) Headquarter-ah an Director General, Lt. General Raghu Srinivasan chu a pisa-ah a kawm.

Richard Vanlalhmangaiha chuan Mizoram chhunga BRO enkawl kawngte leh hmasawnna hrang hrang an thawh mekte chu chak lehzuala hma la turin a ngen a. PUSHPAK Project hnuaia RCC bridge thawh mek chawlh lailawk te chu chhunzawm vat a nih theih nana hma la turin BRO Director Genenral hi a ngen bawk a ni.

District pathum Lawngtlai, Siaha leh Champhai district-a Land Acquisition la pek fel lohte chu a hma lama pek fel a nih thuai theih nan hma la turin DG hi Mizoram Lok Sabha MP chuan a ngen bawk a. Siaha District-a Tipa-Laki-Lope-Lopu (LTTT Road) kawng laih meka Additionnal Compensation Cheng Vaibelchhie 82 la tang mek chu thifel thuai turin a ngen bawk a ni.

Lt. General Raghu Srinivasan Mizorama an hna thawh mekte leh la thawh turte pawh a tha thei ang ber leh rang taka thawh a nih theih nan a hmalak nghal a nih tur thu MP hi alo hrilh a. Land Acquisition leh Compensation la pek loh chungchang pawh an ngaihtuah nghal tur thu a lo hrilh nghal bawk a. Lt. General Raghu Srinivasan chuan Mizorama an hnathawhte a hmun ngeia en a la tum thu a sawi bawk a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]