'First Class Officer' chungchangah a hmuna awm te tawng chhuak!

Aizawl | August 27, 2025: Tunhnaia social media-a video rawn darh, ''first class officer' chungchangah a hmuna awm te an tawng chhuak!

Pic: Meta AI

He thu hi social mediaa darh, a ngai ang angin dah a ni.

"Ni 27th June 2025 (Friday) students-te picnic Landmark Picnic Spot ah kan nei a. Tui (water) in tur kan neih tawh loh avangin tui lei turin Driver pahnih Sawmtea leh Opa an kal a, tui an lei zo rawn haw lam chu Burma mi pahnih ,Mizoram a raltlan a rawn awm, scooty khalh rawn in zirtir, kawr pawh ha lo, Helmet pawh khumlo, rui chung lehnghal in kan motor chu an rawn su a, kan motor hian a ma side kawngpui pawn ah tlanin, scooty hian veilam ah an rawn su a ni. Raltlan pahnih te hian “Burma (Myanmar) ah chuan dinglam ah kan tlan thin” an rawn ti bawk a ni. Ti chuan Driver kawrvar ha zawk hi, driver side lo lam ah a thut avangin a chhuk a tichuan a hnar ah an lu in an lo tauh sak a, a hnar ruh a tliak bawk a, damdawiinah kal pui a ni.

An in tihpalh na hmun ah in sawifelin, kan awmna hmun Landmark lam an lo pan leh a, Landmark anlo thlen atang a darkar 2 hnu vel ah Quarry motor SML-in an thian dang te nen kan awmnaah an rawn chhuk leh a. “Kan scooty kha midang ta kan hawh anih avangin a siamna man tur min tumsak tur a ni” an rawn ti a. Kan Pi hian “in scooty chu han siamtir ula, in siamtir na hmun ah in siam man ka rawn Gpay ang e” ti in, tha takin a hrilh a, mahse a pawisa fai ngei in an rawn dil leh a. Kan pi hi zahlo tak in “nang hmeichhia ve mai mai, tunge maw i nih le? “ tih bakah tawngkam mawi lo tak tak in an vau bawk a ni.

Hemi atang hian in hnialna hi a chhuak a, kan Pi hian an voter ID te, Aadhar te leh an Document neih ang ang a dil a, pakhat mah anlo nei lo. Raltlan pahnih hian “in duh leh Police pawh ko ula, in duh leh min mantir ula” an tih avang in, Aizawl Traffic Police biak an ni a. Landmark atanga hnai ber Ramrikawn a duty lai kan traffic police duty lai te an lokal a, raltlan te hian driving licence leh Document engmah an lo neih si loh avangin an in tihpalh na bul hnaia an veng hruaitu pakhat chu Landmark ah kohthlak a ni. Raltlan ho aiawhin a Driving license chu traffic police in a laksak. “Traffic office lam ah in rawn khul chhuak dawn nia” tiin kan Traffic police in a hrilh hnu ah kan Pi hi ngaihdam an dil ani. Kan Pi hian ngaidam in, kan awmna hmun atangin an kal ta a ni. He video hi SML motor chhung atanga lak a ni a, Raltlan te hi Sakawrtuichhun Quarry a hnathawk lai an ni."