Committee on Estimates Report pharh - ATL Road chungchangah rawtna an siam

Aizawl | August 27, 2025: Aizawl - Thenzawl -Lunglei (ATL) World Bank Road chungchanga Mizoram Legislative Assembly-a Committee on Estimates, Second Report (Action Taken Report) chu vawiina neih mek Fifth Session of Ninth Mizoram Legislative Assembly ah Committee Chairman W Chhuanawma'n a present.

He Report-ah hian First Report a Committee on Estimates-in recommendation a siam tawh Sawrkarin a bawhzui dan leh hma a lak dan te tarlan a ni a, recommendation a siam belhte tarlan a ni bawk.

He Report hian he Committee-in information a hmuh leh a taka enfiah a nih hnua Sawrkarin hma a lakna, kawng thawm that hna (patch repair leh resurfacing) a thawh a record mai bakah, hma lak lehna tura duante a record tel a. Sawrkarin fur zawha full rehabilitation hna a thawh theih hmaa hma la lailawk tura recommendation-te leh mipuite hnena regular taka update siam tura a tihna te a tel bawk a ni.

Committee on Estimates-ah hian member panga - Lalmuanpuia Punte, C Ngunlianchunga, Robert Romawia Royte, T Lalhlimpuia leh Jeje Lalpekhlua te an awm a ni.