"BJP aṭang lo chuan Development a awm thei lo tih hi kan hre chiang ta hle,"

Aizawl | August 11, 2025: Vawiin 11th August 2025 (Thawhṭanni) hian Karthar Inhlanna leh Political Session hun hman a ni a, State Secretary Lalrinkima'n inkhawm a kaihruai a, hunserh hmang tura sawm VL Thlamuana, Chhinga Veng Presbyterian kohhran Upa-in ṭawngṭaina leh thusawina hun ṭha tak a nei.

He huna thusawitu MLA K Hrahmo chuan, "India ramah National Party hi Pa 6 vel kan awm a, a dang zawng hi chu Regional Party an ni thung a ni. Tun hunah hian National Party, BJP aṭang lo chuan Development a awm thei lo tih hi kan hre chiang ta hle a ni" a ti.

Palak bialtu MLA chuan, "MNF-te hian NDA kan ni, inti chung si a, NDA tak taka inhnimphum duh lo an nih zia hi a lang chiang hle a, a chhan chu, NDA an nih chuan BJP MLA-te nen an ṭhutna rem danah a hriat tur a ni a, MNF te'n Sorkarna an siam lai khan NDA-a awm tak tak ni se chuan, Mizoram ah harsatna khatianga nasa kha kan tawh a rinawm loh a, SEDP aṭanga sem tur cheng nuai thum (3 lakhs) pawh kha an neih a rinawm a ni, nimahsela tuna an awm dan en hian NDA-ah hian an inhamtang hram hram a ni ber a, an kut a kham huna tlak thlak tawp thlenga awm an tum ni berin a lang a, kan Bible-in 'i lum leh lum la i vawh leh vawt rawh' a tih ang hian Political Party-te hi kan kal a ngai a ni," a ti.

Hrahmo chuan sawi chhunzawmin, "tun Sorkar ah pawh NDA-a tel tura Central hruaitute'n ZPM an dawr lai khan an zawm duh lova, vawiin ah chuan chumi rah chu kan seng mek a, issue base-in kan kal dawn an tih ang khan issue base chuan an kal ta a, chutiang bawkin Central pawh hian issue base thovin min enkawl niin a lang a, chuvangin Mizoram hian Central Base-a kan kal ve theih hun hi a nghahlelhawm hle a, chumi hnuah chuan vawiina Mizoramin kawng hrang hranga harsatna kan tawh te hi a kiam tawh dawn a ni," a ti bawk.

Inkhawm ah hian Party member-te aṭanga thusawi ngaihthlak a ni bawk.