1st NSCI Heyball National Championship 2025-ah Mizoram aiawhin mi 9 kal; quarter final-ah Lalrina Renthlei a vanduai

byAdmin — 0
1st NSCI Heyball National Championship 2025-ah Mizoram aiawhin mi 9 kal; quarter final-ah Lalrina Renthlei a vanduai



Aizawl | August 25, 2025: 1st NSCI Heyball National Championship 2025-ah Mizoram aiawhin mi 9 an kal a. Mizoram Player te'n India rama Heyball National Championship hmasa ber-ah thawm an nei lian hle.

Zanin dar 5:30 khan Lalrina Renthlei chuan  Quarter final-ah Sundeep Gulati (Delhi) a hmachhawn a, inkhelh hmuhnawm tak an entir a, mahse, Lalrina hi a vanduai zawkah ṭangin 9 - 6 in Sundeep Gulati hi a chak a, Mizoram player dingchang an awm ta lo!



1st NSCI Heyball National Championships 2025
Quarter finals - Sundeep Gulati (DEL) vs Lalrina Renthlei (MIZ)



Lalrina hian, Indian player țha vawiin chawhma khan Praveen Mane (Karnataka) chu 9 - 8 a hnehin Quarter final hi a lut a, zanin an inkhel hi darkar hnih chuang inkhelin, Mizo player hi a vanduai zawkah a ṭang ta a ni.

Lalrina hian nimin zing leh nizan khan match a nei ve ve a, nizan dar 10 hnu lama an match-ah a khelhpui Petroleum Sports Promotion Board (PSPB) player Laxman Rawat-in  6 - 2 a hma a hruai hnuin, theihtawp a chhuah a, a theihna leh thiamna fim tak hmangin, 9 - 6 in a chak ta a ni.

Lalrina bakah hian, R Lalthazuala chuan round of 64 a inhlang kai a, mahse, round of 32 a inhlangkai zo lo a ni.

Heti hian Lalrina hi India ram a, a vawikhatna tur a tan a National Heyball pool Championship 2025 ah player thiam ber 8 te zingah a tel a, a nep lo hle a ni.

An khelhna, Heyball table hi Snooker table kaw zim tak ang hi 9 by 4.5 feet in an siam a. Tuna Hawla Indoor Pool kan neih a ball ang sawn Pool 8 ball kan tih ang kha an khel a ni. A harzia tur chu Snooker kua a zim vanga luh hleih theihloh ball hi a size chu standard diameter  52.5 mm  a ni a, tuna an khelhna ball size erawh hi chu 2 and 1/4 inches (2.25 inches) emaw 57 mm daih a lian a ni.


August 17 - 26, chhunga Delhi khawpuia neih mek 1st National Sports Club of India (NSCI) Heyball National  Championship 2025-ah Mizoram Snooker & Billiards Association (MSBA) aiawhin Player pasarih leh official pahnih nen,  an vaiin mi pakua an kal a. Heyball Championship hi NSCI leh Major Dhyan Chand National Stadium-ah khelh a ni.

Heyball an khelhna ang table hi MSBA-in an neih ve loh avangin player te tan inbuatsaih a theih lova, Pool table pangngaia inbuatsaih an nih avangin a hmun an thleng a, an han khel ta a, ball kal dan a lo danglam nasa hle a, chu chu MSBA player tam zawk thlen san tawk loh chhan niin sawi a ni a. Heyball Pool khelhna tur table-ah rual an awt hle niin sawi a ni.


MSBA aiawh player te hi Lalbiaksanga - Mission Vengthlang, T Laltanpuia - Upper Republic, Lalrina Renthlei - Tuikhuahtlang, PB Liansangzuala - Dawrpui, Lalchhandama - Dinthar, R Lalthazuala - Chaltlang leh Henry L Hlawnmual - Chanmari West (tuna Delhi-a awm mek) te an kal a. MSBA official pahnih - MSBA Senior Vice President Vanlalnghaka leh Media incharge H Lalthuthlunga Zate te an kal tel bawk.

August 16 tlai khan Billiards and Snooker Federation of India (BSFI) Office Bearers Meeting neih a ni a, hetah hian, BSFI Vice President leh MSBA Sr. Vice President ni bawk Vanlalnghaka a tel a. August 17 chawhma dar 11 khan BSFI Executive Meeting an ṭhu leh a, hetah hian Vanlalnghaka bakah MSBA aiawhin MSBA President Lalbiaksanga a tel bawk a ni.


He hunah hian India-a cue sports hmasawnna tur hrang hrang an rel a, pawl chhung thil bakah, December thlaa Ludhiana-a National Pool Championship buatsaih tur an pawm bawk.



August 18:
📍1:00 PM: Henry Lalremsanga Hlawnmual 4 - 7 Amit Yadav (Punjab)

August 19:
📍11:15: Lalbiaksanga 7 - 2 
📍11:15: Lalchhandama  3 - 7
📍1:00: T Lalṭanpuia 3 - 7

August 20:
📍9: 30: R Lalthazuala 7 - 5
📍11:15: Lalrina Renthlei 7 - 2
📍1:00 PM: Lalbiaksanga 2 - 7
📍6:15 PM: T Lalthazuala 2 - 7

August 21:
📍9:30: PB Liansangzuala 
📍11:15: Henry (Loser side aṭangin.)
📍2:45 PM: Lalbiaksanga (loss)
📍2: 45 PM: T Laltanpuia 7 - 2 Lalchhandama


August 22, 2025:
• 1:00 pm 
📍T Laltanpuia 7 - 1 in a chak.

• 2:45 PM:
📍R Lalthazuala 7 - 0 in a chak (w/o)

@NSCI
• 4:30 PM:
📍 PB Liansangzuala: 7 - 0 in a chak.

8:00 PM: 
📍 T Laltanpuia 4 - 7 in chak lo.

August 23:
• 9:30 AM: 
📍 R Lalthazuala 7 - 2 in chak
📍 PB Liansangzuala 6 - 7 in chak lo


August 24:
📍 9:00 AM: R Lalṭhazuala 2 - 7
📍10:45 AM: Lalrina Renthlei  7 - 0 Kunal Wadhawan (DEL)
📍 10:00 PM: Lalrina Renthlei - 9 - 6 Laxman Rawat (PSPB)
(2 - 6 a a khelhpuiin hma a hruai hnu-ah 9 - 6 in a chak ta a ni,)

August 25:
📍 10:00 AM: Lalrina Renthlei 9 - 8 Praveen Mane (Karnataka)
📍 5:30 PM: Lalrina Renthlei 6 vs 9 Sundeep Gulati (DEL)









Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post