Zirtiri College-in Fresher Social leh zirlaite chawimawina hun hmang

Aizawl | July 31, 2025: Vawiin July ni 31 hian Government Zirtiri Residential Science College chuan Fresher Social leh zirlai chhuak turte chawimawina hun Vanapa Hall-ah an hmang. Khuallian atan Adviser to CM (Finance & Planning) TBC Lalvenchhunga, an hmang.

Principal Dr. Zirlianngura chuan Govt. Zirtir Residential Science College ah hian zirtirtu 69, office staff 23 leh zirlai 714 an awm mek tih a sawi a. Science subject hrang hrang te, Home Science leh Computer Science subject zirna te a awm bawk. University exam result hnuhnung ber (2025) khan subject hrang hrangah University topper 5 leh top ten ah mi 34 an awm a, UGC NAAC Accreditation hi vawi thum lai anlo nei tawh a,tunah hian NAAC Grade A nihna an nei mek bawk....tih a sawi bawk. Zirlai te tan a Award hrang hrang (Lalziki Sailo Award) rawn sponsor-tu Pi Ethel Lalsangliani Sailo te. Incentive Cash Award hrang hrang sponsortu Er. Sapzova CE PWD te hnenah lawmthu sawina a nei bawk.

Khuallian hian zirlaite chu an zirlai tha tak a an thiam mai bakah midang nen a khawsakho an thiam a ngaih thu a sawi. Eng hun leh hmunah pawh kan zirlai kan thiam ringawt hi dam khawchhuahna atan a hman ringawt theih loh a, eizawnna kawng hrang hrang thawh hunah midang zeizia hrethiam tak chung a thawk theitur a intahhriam a ngai a ni a ti. Khuallian hian Govt. Zirtiri Residential Science College in a an mamawh em em Auditorium thar an neih theih nan theihtawp chhuahpui a tum tih a sawi.

Dr. Samuel Lallianrawn an lawmthu sawiin programme hi a khar a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]