Lirtheia eizawng pawl 24 ten kawng siam nana hun pe turin August 4

Lirtheia eizawng pawl 24 ten kawng siam nana hun pe turin August 4 - 9 chhung tlan loh an tum

Aizawl | July 31, 2025: Lirtheia ei zawng, pawl 24 intelkhawmte chuan kawng siam nana hun leh hmun ken nan August 4 - 9 chhung hian tlan chawlh an tum.

Kawng siam nan hun pek tumin, August 4 - 9 chhunga an tlan loh chhung hian, sorkar chu kawng siam ṭha hman turin an phut.

Hemi hnu pawha an phut leh beisei ang a awm loh chuan, na zawka hmalak an tum a, "hetiang thil a lo thleng a nih pawhin, mipui pawhin min hriatthiam kan beisei," an ti.

Lirthei veivak a tam lutuka hna a thawh theih loh tih chhuanlama lirtheite dintir a ni a, chuvang chuan, kar khat dingin, sorkar tan hnathawhna turin hun pek an tum a ni.

Sairang - Kawnpui inkara lirthei tangkhang mekte pawh, August 4 hma hian lo inthiarfihlim a, kawng siam nana hun leh hmun kian turin an ngen bawk a ni.

Vawiina lirtheia ei zawng thukhawmah hian, pawl 24 an tel a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]