United Nations Organisation (UNO)-ah ZORO palaite an kal

Aizawl | July 18, 2025: United Nations Office at Geneva, Switzerland-ah July 14 - 18, 2025 khan 18th Expert Mechanism On The Rights Of Indigenous People session neih a ni a. He hunah hian ZORO chu Zohnam aiawhin palai paruk (6) an kal a ni. UN Expert Mechanism on the Right if Indigenous People (EMRIP) session ah hian khawvel ram hrang hrang atangin mi 777 an kal khawm a ni. He session-ah hian Indigenous kaihhnawih agenda pakua chu sawihona neih a ni.

EMRIP session-ah hian ZORO chuan panel No.11 (Agenda) "proposal to submitted to the Human Right Council for its to consoderation and approval" hmangin Zofate harsatna tawh mek memorandum thehluh a nih bakah sawichhuah a ni.

He hunah ZORO aiawha thusawitu Tv. Lalnunfela Chawngthu General secretary chuan, "Kan hriat angin India leh Myanmar, Bangladesh sawrkar te chu UNDRIP 2007 pawm tu leh SIGNATORY an ni a. Mahse tuna an chet dan kan thlir chuan UNDRIP 2007 hi an bawhchhe nasa hle a ni. A hmasaber atan, UNDRIP article no. 7,8,9,10,36 in a sawi angin. Indigenous people te dikna chanvo, ram hum halh leh zalen taka in Kal pawh min rem tih lai a India sawrkar in boundary hung a tum hi kan pipute atanga kan ram anih tlat vangin kei ni chuan International boundary ah kan pawm lova. Village boundary ah kan ngaih tlat avang in kan rem tilo hle a ni."a ti a.

Tv. Lalnunfela chuan, "Bangladesh sawrkar in zofate chenna Chittagong hills tract, Zofate pipu atanga kan ram min chhuh an tum vanga harsatna kan tawh nasat zia te. Manipur sawrkar leh Meitei mipui tan Zofate chenna an it vanga buaina chhuak te kan hmuh hian UNDRIP 2007 article no.25 leh 26 an bawhchhia ani tih chiang takin ati lang a ni. Tun mekah Myanmar Zofate refugee mi nuai 2 bawrvel India ramah harsa takin an awm mek a. Ramdanga refugee Tura an chhuah leh na turah India sawrkar in exit fee Rs 50000 mimal tin ah alo phut a, hei hian Myanmar refugee te chungah harsatna nasa tak a thlen mek a, refugee a ram danga Kal tum exit permit nghak mek mi tam tak India ram ah an awm bawka. Heng kan harsatna tawh mek te hi arang thei ang bera min ngaituah sak turin United Nation Human Right Council te kan ngen che u ani." a ti a.

Tv. Lalnunfela Chawngthu chuan, "Ram hrang hrangah Zofate raltlan in kan awm a kan hnam in chhinchhiah na atan Zo Re Unification Organization(ZORO) kan vaia ang khata kan hman tur ID a buatsaih a. 18th EMRIP session 2025 hian min nem ngheh sak tur leh khawvel ram hrang hrang ten kan hnam in chhinchhiahna ID atan minlo pawm sak turin kan ngen bawk chu a ni."a ti bawk.

UNO-ah hian ZORO aiawhin heng mite hi an kal a ni.

1. Tv. Lalnunfela Chawngthu

2. Nl. KH Vanlalruati

3. Pi Zonunpari

4. Tv. Lalramhlua

5. Lalnunthara

6. Nl. Lalmuanpuii