‘Ng’ awmna hmun chungchang zirchiang turte'n thla khat chhung hun an nei!

Aizawl | July 18, 2025: Mizo Language Development Board hnuaia ‘Ng’ awmna hmun chungchang zirchiang turte'n thla khat chhung hun an nei!

Vawiin ni 18th July, 2025 (Zirtawpni) chawhma dar 11:00 am atang khan Mizo Language Development Board Governing Body thutkhawm vawi 4-na chu Directorate, School Education Department Committee Room ah neih a ni a.

MLDB Governing Body meeting hi Chairman R Lallianzuala’n a kaihruai a, Board Secretary Lalsangpuia’n Report a pe.

He meeting-ah hian agenda 3 (pathum)an sawiho a, chung zingah chuan, Mizo A AW B (orthography)-a ‘Ng’ awmna hmun chungchang chu zau zawka Mizo A AW B (orthography) zir chianna nei turin Grammar Committee ruat niin, anni hian thla khat chhungin board-ah report an thehlut dawn a ni.

Hemi bakah hian, Mizo tawng 8th Schedule-a dah luh chungchang lo zir chiang turin mi pathum; Convener atan MLDB Secretary Lalsangpuia leh member pahnih -

MZU Mizo Deptt. HoD, Dr Zoramdinthara leh PUC Mizo Deptt. HoD Dr H Laldinmawia te ruat an ni.