Tuthlawhin inchek hlum

Aizawl | July 1, 2025: Darlawng khuaa Lalchhuanmawia (28) chuan nimin zing khan a pu (a nu u) Lalzawmliana (64), Tlungvel chu tuthlawhin a chêk hlum.

Lalchhuanmawia hian Tlungvel atanga an hnena zin mek a pu Lalzawmliana chu tuthlawhin a chêk a, an ina khawtlang hruaitute an luh chuan Lalzawmliana hi a lo la ṭawng thei a, damdawi-in panpui ni mahse, a hnu deuh, zing dar 7 velah a hliam tuar loin a thi ta a ni.

Vanglaini-in a tarlan danin, Lalchhuanmawia hi zu nghei vanga buai a ni a, nimin zingah vêk a pa hna thawk tura a chhuak tur chema sah a tum a, a hnuah buai lehin, a nu leh a chhungte kut a thlak a. A chhungte’n khawtlang hruaitute an pun a; khawtlang hruaitute’n man betin, a kut a phuarsak a, a hnuah police-in an la a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]