Aizawl | July 1, 2025: MSU-in an thiamnain a tlin lo college zirtirtute chhawr zui zel duh lova, chhawr zuina tur thupek vawiin khan halin, July 6 thleng sorkar hun an pe nawn!
MSU General Headquarters hruaitute chuan Higher & Technical Education Department directorate Office kawtah Unqualified Part Time Asst. Professors mi sawmhnih leh pakua (29) te sawrkar in a chhawr chhunzawm zelna tur Notification Order a tihchhuah chu duhloh zia lantir nan Order copy an hal.
MSU chuan H&TE Director hnenah Notification an hal zawh hian ziakin lehkha an pe nawn leh a. July ni 6, 2025 (Pathianni) ral hmaa MSU ngenna hi ngaih pawimawh a nih loh chuan zirlai ten zirtirna tha an dawn theihnan Qualify ngei zirtirtu an duh thu Aizawl khawpuiah kawngzawhin tlangaupui an tum a. Kawngzawh hian awmzia a neih loh pawhin a tawp thlenga hmala zel turin ruahmana an siam thu thuchhuah siamin an tarlang.
Part Time Asst. Professors sawrkarin a rawih mekte hi August 9, 2024 khan February 28, 2025 thleng chhawr chhunzawmna lehkha lo tichhuak tawhin chuta a inziah danah chuan, “No more Extension of engagement will be done after 28.02.2025” a intih tawh hnuah, February 21, 2025 khan hun pek belhna Notification a tichhuak leh a ni a, hei hi MSU General Headquarters chuan duh lovin, pawi an ti hle a ni. Notification thar tihchhuah leh hi an duhloh zia entirnan vawiin khan February 21, 2025 a tihchuah Notification copy hi an hal a ni.
Notification Order halnaah hian MSU President B Lalkhawngaihzuala chuan, Zirna ṭha siam tum sawrkarin Zirtirtu qualify lo te an ruai reng chu hriatthiam har a tih thu a sawi a. "Zirtirtu Qualify lo ten zirna an pek theihna tur atana sawrkarin 'Humanitarian Ground' tia a chhawr hi 'Humanitarian Ground' chhuanlama langsar taka dan bawhchhiatna a ni” a ti.
March 13 khan Press Conference hmang mai bakah vawi tam tak Education Minister hnenah he thu hi an thlen tawh bawka, tin June ni 9 khan Chief Minister hnenah an lo thlen tawh bawk a ni. Nimahsela, an thu thlenin awmzia a neihloh avangin leh ngaih pawimawh a hlawh loh avangin Notification Order hi an hal ta a ni.
𝗡𝗼.𝗕.𝟭𝟬𝟭/𝗠𝗦𝗨-𝗚𝗛𝗤/𝟮𝟬𝟮𝟰–𝟮𝟬𝟮𝟲/𝟯𝟴
𝗗𝗮𝘁𝗲𝗱 𝗔𝗶𝘇𝗮𝘄𝗹, 𝘁𝗵𝗲 𝟬𝟭𝘀𝘁 𝗝𝘂𝗹𝘆, 𝟮𝟬𝟮𝟱
𝗣𝗥𝗘𝗦𝗦 𝗥𝗘𝗟𝗘𝗔𝗦𝗘
Vawiin ni 1st July 2025 (Thawhlehni) khan MSU General Headquarters hruaitute chuan H&TE Directorate Office kawtah Unqualified Part Time Asst. Professors mi sawmhnih leh pakua (29) te sawrkar in a chhawr chhunzawm zelna tur Notification Order a tihchhuah chu duh lohna lantir nan an hal a ni.
Part Time Asst. Professors sawrkarin a rawih mekte hi Nikum 9th August 2024 khan 28th February 2025 thleng chhawr chhunzawmna lehkha lo tichhuak tawhin chuta a inziah danah chuan, “No more Extension of engagement will be done after 28.02.2025” a intih tawh hnuah Ni 21st February 2025 khan hun pek belhna Notification a tichhuak leh hi MSU General Headquarters chuan pawi an ti hle a ni. Notification thar tihchhuah leh hi an duhloh zia entirnan Higher & Technical Directorate kawtah Notification ( Ni 21st February 2025a tihchuah) hi an hal a ni.
Notification Order Halna programme ah hian MSU President Pu B Lalkhawngaihzuala chuan thusawiin, Zirna ṭha siam tumin Zirtirtu Qualify lo te sawrkar in an ruai reng chu hriatthiam har atih thu a sawi a. Zirtirttu Qualify lo ten zirna an pek theihna tur atana sawrkar in “Humanitarian Ground” tia a chhawr hi “Humanitarian Ground chhuanlama langsar taka Dan bawhchhiatna a ni” a ti. March 13th khan Press Conference hmang mai bakah Vawi tamtak Education Minister hnenah he thu hi an thlen tawh bawka, tin June ni 9th khan Chief Minister hnenah an lo thlen tawh bawk a ni. Nimahsela an thu thlenin awmzia a neihloh avang leh ngaih pawimawh a hlawh loh avangin Notification Order hi kan hal ati a ni.
MSU chuan Director hnenah Notification an hal zawh hian ziakin lehkha an pe nawn leh a. Ni 6th July 2025 (Pathianni) ral hmaa MSU ngenna hi ngaih pawimawh anih loh chuan zirlai ten zirtirna tha kan dawn theihnan Qualify ngei zirtirtu an duh thu Aizawl khawpuiah kawngzawh in tlangaupuina neih an tum a. Kawngzawh hian awmzia a neihloh pawhin a tawp thlenga hmala zel turin ruahmana an siam a ni.
Sd/-
(ZODINSANGA)
General Secretary
Ph : 8414096458
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: