Aizawl | July 2, 2025: Mizoram Pradesh Youth Congress Committee (MPYCC) -in Sairang Kawng chhia an endikna-ah vawiin khan MPYCC President Laltawnliana chuan, "PWD Minister Vanlalthlana'n June ni 30, 2025-ah thubelhchian dawl lo hmangin, he kawng pawimawh tak chungchang hi Mizoram PWD mawhphurhna a ni lo tih a sawi hi thu dik lo, NH 06 package 8 (Kawnpui - Khamrang) phei chu vawiin thlenga Mizoram PWD enkawl a la ni zawk. PWD Minister hian he kawng pawimawh chhe lutuk a mawhphurhna ni lo anga a sawi hi thil zahthlak leh mawhphurhna hre miah lo a ni tih a chiang a. Mi dang kutah PWD Department hi hlan se Mizoramin kan thatpui zawk ang. Tunah harsatna sutkian kawngah sorkar hian zah nachang hria se, sorkar kal tawh mawhpuha insawithiam reng renga an term an hman zawh loh hramna turin hma la tawh rawh se," a ti bawk.
Congress Thalai chuan June 24, 2025 (Thawhlehni) atanga July 2, 2025 (Nilaini) thlenga Mizoram châk lakna kawngpui ber Vairengte to Aizawl Road via Khamrang - Sairang kawng dinhmun enfiaha an zirchianna chu vawiin khan MPYCC President Laltawnliana leh Congress Thalai Headquarters hruaitute'n a hmunah kal chilh lehin an zirchianna an zo fel.
Congress Thalai President Laltawnliana chuan, "Vairengte atanga Sairang inkar chu kumin January - May thla chhung khan fur ruahtui tlak huna Mizoramin harsatna kan tawh loh nan hmanhmawh zawka kawng siam hnathawk turin kawng siamtute nen thingpui inhona tum thum neih a ni tawh a. Tun tumah pawh kar kal ta ni June 24, 2025 (Thawhlehni) atang khan Team thumah insiamin Vairengte leh Sairang kawng dinhmun chu uluk leh zuala hnathawh dan leh harsatna thlen dante zirchian leh a ni," a ti a, "Sorkar hi thil tha tihna kawngah kan thlawp em em a. Mipui tana harsatna thleng thei tur laka hmalakna kawngah pawh sorkar fianchhuahtu nih hi Congress party nihphung a ni," a ti bawk.
"Mizoram chak lakna kawngpui ber siam hnathawh kawngah pawh hian a party ang zawnga inbeihnaa ngaih kan hlauh avangin news lamah pawh he'ng kan hmalakna hi pek chhuah a ni ngai lo. Mahse, harsatna thleng thei laka kan ngenna hrang hrang te sorkar leh a changtu PWD Minister-in an mutthluk sana an vil that tawk loh vangin hetiang harsatna hi Mizoramin kan tawk ta ni," a ti.
"ZPM sorkar hian Lal hrim hrim tum avangin kum 15 daih Kawng siam turin nasa takin an inzuar a, an sorkar hnuah thal vawi hnih rei tawk a thlen hnu pawha an ngaihsak tawk loh avanga mipui tawrhna hrang hrang hi thleng a ni. Lirtheia eizawngtute leh he kawngpuiin a kal tlang khua te mangangin tlawmngaia kawng siam hnatlang an nei fo pawh zak miah lova PWD Minister-in, kawng chhia hi mipuiin ka tihchhiat emaw an ti, tia ZPM Office-a fiamthu zawnga a la zui te hi a thlangtu mipui palzutna dik tak a ni," tiin Tawna chuan a sawi bawk.
MPYCC President chuan, ZPM sorkarin kawng chhe siam chu sawi loh, kawng tha sa pawh an tichhia tih sawiin, Mizoram chhung kawng khawi lai pawh zawh hleih theih loh khawpa chhia, Motor tlu leh tang, damlo, zin vek vak leh nitin hnathawktute harsatna a thleng nasa tawh. Khawiah nge Diesel leh Petrol-a chhiah (cess 2%) September 2024 - March 2025 chhunga ZPM sorkarin mipui a rawkna Road Maintenance cess atan chhiah Rs. 23,43,01,800/- an khawn kha a awm? ZPM Chief Minister chuan motor pakhat bak a mamawh dawn lo titu khan tunhnaia motor thar leina atan a hmang ta em ni? a ti.
OFFICE OF THE
MIZORAM PRADESH YOUTH CONGRESS COMMITTEE
No.MPYCC/Mz-B/2025-2026/PR-056
Dated: Aizawl the 2nd June, 2025
PRESS RELEASE
Congress Thalai chuan ni 24.6.2025 (Thawhlehni) atanga ni 2.7.2025 (Nilaini) thlenga Mizoram châk lakna kawngpui ber Vairengte to Aizawl Road via Khamrang - Sairang kawng dinhmun enfiaha an zirchianna chu Pu Laltawnliana, President MPYCC leh Congress Thalai Headquarters hruaitute chuan a hmunah kal chilh lehin an zirchianna an zo fel.
Pu Laltawnliana, Congress Thalai President chuan Vairengte atanga Sairang inkar chu kumin January - May thla chhung khan fur ruahtui tlak huna Mizoramin harsatna kan tawh loh nan hmanhmawh zawka kawng siam hnathawk turin kawng siamtute nen thingpui inhona tum thum neih a ni tawh a. Tun tumah pawh kar kal ta ni 24.6.2025 (Thawhlehni) atang khan Team thumah insiamin Vairengte leh Sairang kawng dinhmun chu uluk leh zuala hnathawh dan leh harsatna thlen dante zirchian leh a ni tih sawiin, Pu Laltawnliana chuan, Sorkar hi thil tha tihna kawngah kan thlawp em em a. Mipui tana harsatna thleng thei tur laka hmalakna kawngah pawh sorkar fianchhuahtu nih hi Congress party nihphung a ni a ti. Mizoram chaklakna kawngpui ber siam hnathawh kawngah pawh hian a party ang zawnga inbeihnaa ngaih kan hlauh avangin news lamah pawh he'ng kan hmalakna hi pek chhuah a ni ngai lo. Mahse harsatna thleng thei laka kan ngenna hrang hrang te sorkar leh a changtu PWD Minister-in an mutthluk sana an vil that tawk loh vangin hetiang harsatna hi Mizoramin kan tawk ta ni, a ti.
ZPM sorkar hian Lal hrim hrim tum avangin kum 15 daih Kawng siam turin nasa takin an inzuar a, an sorkar hnuah thal vawi hnih rei tawk a thlen hnu pawha an ngaihsak tawk loh avanga mipui tawrhna hrang hrang hi thleng a ni. Lirtheia eizawngtute leh he kawngpuiin a kal tlang khua te mangang tlawmngaia kawng siam hnatlang an nei fo pawh zak miah lova PWD Minister-in, kawng chhia hi mipuiin ka tihchhiat emaw an ti, tia ZPM Office-a fiamthu zawnga a la zui te hi a thlangtu mipui palzutna dik tak a ni, Pu Tawna chuan a ti.
Pu Laltawnliana, President MPYCC chuan ZPM sorkarin kawng chhe siam chu sawi loh, kawng tha sa pawh an tichhia tih sawiin, Mizoram chhung kawng khawi lai pawh zawh hleih theih loh khawpa chhia, Motor tlu leh tang, damlo, zin vek vak leh nitin hnathawktute harsatna a thleng nasa tawh. Khawiah nge Diesel leh Petrol-a chhiah (cess 2%) September 2024 - March 2025 chhunga ZPM sorkarin mipui a rawkna Road Maintenance cess atan chhiah Rs. 23,43,01,800/- an khawn kha a awm? ZPM Chief Minister chuan motor pakhat bak a mamawh dawn lo titu khan tunhnaia motor thar leina atan a hmang ta em ni? a ti.
Pu Tawna chuan, PWD Minister Pu Vanlalthlana'n June ni 30, 2025-ah thubelhchian dawl lo hmangin, he kawng pawimawh tak chungchang hi Mizoram PWD mawhphurhna a ni lo tih a sawi hi thudik lo, NH 06 package 8 (Kawnpui - Khamrang) phei chu vawiin thlenga Mizoram PWD enkawl a la ni zawk. PWD Minister hian he kawng pawimawh chhe lutuk a mawhphurhna ni lo anga a sawi hi thil zahthlak leh mawhphurhna hre miah lo a ni tih a chiang a. Midang kutah PWD Department hi hlan se Mizoramin kan thatpui zawk ang. Tunah harsatna sutkian kawngah sorkar hian zah nachang hria se, sorkar kal tawh mawhpuha insawithiam reng renga an term an hman zawh loh hramna turin hma la tawh rawh se, a ti bawk.
Pu Laltawnliana, President MPYCC hi Pu Lalsanglura Sailo, Vice President MPYCC, R. Lalhmingmawia, General Secretary, Pu C. Vanlalhruaia, General Secretary, P.C Lalmuanawma, Secretary, P.C Zothansanga, Secretary, Ricky Lalmuanawma, Secretary, C. Lalhmachhuana, Joint Secretary, MPYCC te'n an tawiawm a ni.
Sd/-
(PC ZOTHANSANGA)
Secretary,
i/c Information & Publicity
Mizoram Pradesh Youth Congress Committee
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
(Feedback at: admin@exploremizoram.com )
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: