Radio-a thupuang thin, Lalhmerliani Fanai a her liam ta!

Aizawl | July 1, 2025: Radio-a thupuang thin, Lalhmerliani Fanai chu kum 71 mi niin, tukin khan a thi.

Lalhmerliani Fanai hi tukin July 1, 2025 dar 8:53 khan Greenwood hospital ah a thi a. Lalhmerliani Fanai ruang hi Khatla Bethel venga a laizawn Lalrinawmi Fanai te inah lak a ni a, vawiin tlai dar 3 ah vui a ni.

Lalhmerliani hi All India Radio-ah thawkin, Sr. Announcer a ni hman a, a hna atanga a chawlh hnuah BJP party zawmin, BJP Mizoram State Mahila Morcha (BJP Women Wing) Vice President nilai a ni.

Lalhmerliani hun rei tak damdawi ina a inenkawl hnuin tukin khan a herliam ta a ni.

All India Radio-a aw mawi leh ngainatawm tak leh thupuan a thiam avanga a hun laia Zoram mipuite ngainat hlawh leh lar tak Lalhmerliani Fanai hi kum 1975 atanga kum 2013 inkar All India Radio-ah thawkin announcer a ni thin a, Mizoram atanga announcer grade – 1 awm chhun a ni.

A thih thu hian, kum upa lam beng a verh hle a, radio ngaithlaa beng lo titlai thinte'n an ui thu an sawi nasa hle a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]