Aizawl | July 7, 2025: Chakma Autonomous District Council (CADC) ah thuneihna inhruipawh karah Mizoram Governor-in thla 6 chhung atan CADC thuneihna a laksak a, enkawl turin Lawngtlai DC a ruat.
Chakma Autonomous District Council a BJP hruaitu, CEM Molin Kumar Chakma chu June ni 16 khan No-Confidence Motion hmangin CEM atanga paihthlak a ni a, motion hi Zoram People’s Movement (ZPM) member, Rengkashya bial atanga MDC thlan tlin, Doymoy Daveng Chakma chuan a pulut a, CEM Molin Kumar Chakma hian sorkarna chelh chhunzawm turin member a ngah tawk tawh lova, hruaitu thlak danglam ngai a nih thu a sawi.
Session a tel Elected Member 17 zinga MDC 15 chuan motion hi an thlawp a, MDC pakhat chuan motion thlawp lo zawngin a vote thung. MNF, MDC awmchhun, Rasik Mohan Chakma chuan vote a thlak lo a. BJP hruaitu, CEM paih duhtu an tam zawk avangin, CEM chu paihthlak a ni.
May 2023 khan CADC hian inthlanpui neiin, CEM a tan MNF hruaitu Rasik Mohan Chakma lakluh a nih hnuah, kumin February ni 27 khan Pu BJP hruaitu, Pu Molin Kumar Chakma chuan a thlak a, CADC ah hian thlantlin member 20 awmin, Member pakhat thita ai thlan anih loh avangin tun dinhmunah Member 19 an awm mek a, ZPM in member 16 neiin, MNF member 1 leh BJP Member 2 an awm mek a ni.
CADC ah hian ZPM chuan an hruaitu Lakhan Chakma hovin Sorkarna siam tumin theihtawp chhuah mahse, Governor hian State Sorkar a biakrawn hnu ah CADC thuneihna hi a laksak ta a ni.
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: