AWMZIA A NEIH LOH LAI PAWHA THUAWIH

_Thilmak I Beisei Laiin_

- Rick Warren

- July 8, 2025

 

“I thinlung zawng zawngin Lalpa ring la, nangma hriatnaah innghat suh; I kawng zawng zawngah amah hre reng la, i kawngte chu a kawhhmuh zêl ang che.” Thufingte 3:5-6.

Isua zuitu i nih chuan atthlak angin lang mahse, sum leh pai chungchangah te awmzia awmlo mahse, i hriatthiamloh lai leh thih hlauhthawnawm hial pawh nise - a thu awih tura koh i ni.

Luka 5:4-5  ah chuan, “Tin, thusawi a ban chuan Simona hnenah, "Li thuk lam pan la, sangha man turin in lente deng rawh," a ti a. Tin, Simonan a hnenah, "Zirtirtu, rim takin zankhuain kan bei a, engmah kan man lo va, nimahsela i thuin lente ka deng leh ang e," a ti a, a chhang a.’” 

Isua chu Simon Petera lawngah chuan a chuang a. Nimahsela chutah chuan a tawp lo. Sangha mana eizawngtu hnenah sangha man dan a zirtir anih chu!

Peteran a chhanlet dan chu hetiang hi a ni. Isua chu a hnial lo. “Lalpa, nang chu thingrem siamtu i ni a, kei chu sangha mantu ka ni a sin. Sangha chu kan man thei chuang lo vang! Ka eizawnna chungchang min hrilhtu hi tunge maw i nih le?” pawh a ti lo a ni. 

Engmah sawi nawi lo vin. Isuan lawng kar tura a tih pawhin,”I ngaihtuah nawn lawk teh ang? Committee din ila, vote lang u emaw kan bei nasa lutuka kan chau deuh a, chawhnu lamah deng zawk ila a pawim angem?” pawh a ti hran lo a ni.

Peteran engtin nge a chhan? Zawhna zawt buai lo vin thuawih takin Isua thu a zawm a ni.

Pathianin ti tura a hrilh che hriat ka nei lo, nimahsela hei hi ka hrilh ang che: Thuawihlohna chuan Pathian malsawmna hloh tir che a, nangmah bawk kha a tina che a ni.  

 

Nimahsela hetianga i sawi chuan,”Lalpa, ka la hrethiam lo, engpawhnisela i thuawih ka thlang e,” i tih chuan nun duhawm tak leh thlamuanna i nei ang. A kawng kawhhmuh te chuan i nunah awmzia a neih kher a tul lo; rinna nena a thu zawm chu i hna a ni. 

Bible chuan, “I thinlung zawng zawngin Lalpa ring la, nangma hriatnaah innghat suh; i kawng zawng zawngah amah hre reng la, I kawngte chu a kawhhmuh zêl ang che.” Thufingte 3:5-6.

Pathian chu ring rawh, a chhan chu tunah hmufiah rihlo mahla, a thinlung luahtu i ni.

Ngaihtuah zui atan

* Tunge i nunah engdang zawng aia Pathian thuawih thlang? Chu nun atang chuan engnge i zirchhuah le?

* Engtiklai khan nge thuawihlohna avanga Pathian malsawmna i hloh le?

* Engtiklai khan nge awmzia a neih loh lai leh, a malsawmna pawh i dawn nghal mai loh lai pawha Pathian thu i awih tlat?

*[Lettu: Sangpuia]*