Post matric tribal scholarship pawh kan innawr chhuak ta e - Lok Sabha MP

Post matric tribal scholarship pawh kan innawr chhuak ta e - Lok Sabha MP

Aizawl | July 8, 2025: Chief Minister in nawr tura min tih angin 16.06.2025 khan Ministry of Tribal Affairs Secretary Vibhu Nayar ka hmu a, "A rang lamin kan lo buaipui ang e" min ti kha a ni a, vawiin July 8, 2025 hian sanction order min rawn thawn a, lawmthu pawh ka hrilh nghal e.

- LS MP Richard Vanlalhmangaiha

SCHOLARSHIP LA DAWNG LO TE TAN THU LAWMAWM 

Ministry of Tribal Affairs chuan, ni 7 July, 2025(Thawhtanni) khan Financial Year 2023-24, 2024-25 chhunga Scholarship la sem loh cheng 50,42,81,000/- Sanction order chhuah a ni a, Zirlaite'n a rang thei ang bera an dawn theih nan MZP chuan a tul angin hma a la chhunzawm zel dawn a ni.

MZP chuan, Scholarship chungchangah hian theihtawp chhuahin hma a la a, Governor kaltlangin Ministry of Tribal Affairs lam hotute pawh lehkha pek tawh niin, Delhi -ah Ministry of Tribal Affairs lam hotute pawh MZP hruaitute chuan hmuin an zuk bawhzui tawh a, Pu Richard Vanlalhmangaiha, MP (Lok Sabha) pawh sawipuiin theihtawp a chhuah mek thu MZP hruaitute a hrilh hnu lawkah a hlawhtlinna hmel hmuh a ti hi MZP chuan lawmawm a ti hle a ni.

MZP chuan zirlaite harsatna hria a theihtawp chhuah a, Post Matric Scholarship la dawng lo zirlai 5000 chuang te tan theihtawp chhuah tute chungah MZP chuan zirlaite aiawhin lawmthu a sawi a, FY 2024-25 pawh a rang lama sem vat a nih theih nan a hma la nghal turin Mizoram Scholarship Board(MSB) lam hotute pawh ngen nghal a ni.

.