MILIAN HNEHDAN KAWNG LI

_Tihdanglam Tawh_

- Rick Warren

- July 1, 2025

 

“Chutichuan Davida chuan Philistia mi hnenah chuan, ‘Nang zawng khandaih te, fei te, feite te kengin ilo thawk a; kei zawng sipaite Lalpa, Israel sipaite Pathian i chova hmingin ka lo thawk zawk a ni. Vawiinah hian Lalpan nang hi ka kutah min pe dawn a ni … chutichuan, lei chunga mi zawng zawng hian Israelho zingah hian Pathian a awm tih chu an hre thei ang.” 1 Samuel 17:45-46

Rinna nei mi, ruahmanna nei mi leh hna tha taka thawk mi i nih duh chuan Davidan milian a hneh ang hian thawk ve rawh; a nghak khawtlai a, a hnual rawih a, an pawm lo va, an ringhlel bawk a ni.

*Pathianin a lo puih tawhna che kha hre reng rawh.*

Davidan 1 Samuela 17:37 ah chuan, “Davidan, ‘Sakeibaknei kutbawr ata leh savawm kutbawr ata mi chhanchhuaktu Lalpa chuan chu Philistia mi kut ata chu mi chhanchhuak ang,” a ti a”

Hun kaltawha Pathianin a puihna che i hriat thar leh chuan, chu chuan hmalam hunah pawh inrintawkna a pe ang che.

*Pathianin hmanrua a pek che hmang rawh.*

Davida chuan Pathianin hmanrua a pek chu chaknan a hmang a ni, “Saula chuan Davida chu ama thuam a bel a, dar lukhum a khumtir a, awmphaw a haktir a … Davida chuan Saula hnenah, ‘ka kalpui thei dawn hauh lo mai, hetiang hiann ka la tichhin ngai lo a ni’ a ti a. Tichuan Davida chu a inhlip ta a. Tin, a tiang chu a keng a, Philistia mi chu a va pan hnai ta a.” 1 Samuela 17:38-40.

I thil neih loh - sum te, lehkhathiamna te leh thildang pawh nise nghak khawtlai suh. Pathianin a pek che chu milian beih nan chuan hmang mai rawh.

*I ruahmanna daltu chu ngaih pawimawh suh.*

A hun hnuhnung lamah khan Davida chungchang mawilo taka an sawi te a awm a. Nimahsela Davida chuan Pathian hnen atangin chakna a la a ni. “Davida chu a mangang hle mai a; mi tin, an fapate leh an fanute avanga mi zawng zawng an thin a nat em ema amah chu lunga den thu an sawi avangin; nimahsela Davida chu a Pathian Lalpaah chuan a intichak a.” 1 Samuela 30:6

Pathianah chakna i lak chuan, rilru lam hriselna chauh a ni lo. Pathian hnen atangin khawngaihna te, thilpek te, himna leh thiltihtheihna te dawn tur a awm a ni.

*Pathian tanpuina chu a ropuina turin beisei rawh.*

Chutichuan Davida chuan Philistia mi hnenah chuan, “Nang zawng khandaih te, fei te, feite te kengin ilo thawk a; kei zawng sipaite Lalpa, Israel sipaite Pathian i chova hmingin ka lo thawk zawk a ni. Vawiinah hian Lalpan nang hi ka kutah min pe dawn a ni,” a ti a. 1 Samuel 17:45-46

Naupang mai ka la nih lai khan thutlukna ka siam a. Zankhat chu thingthiin hetiang hian ka sawi a, “Lalpa kei hi mi fel ber, lehkhathiam ber leh talent nei tha ber ka ni lo. Nimahsela nagmahah ka rinna ka nghat dawn. Engtik hunah pawh, khawi hmunah pawh, ka tan awmzia pawh neilo mahse rinnain thil ka ti zel dawn,” tiin. Chutiang chuan ka nun chu ka lo hlan ve a ni.

Pathian chu mi tu pawh amah ringtu leh beiseina neitu chu a hming dawn - nangmah i nih vang ni chuang lo vin, a ropuina tur zawkin a ni.

Ngaihtuah zui atan

* Nangmah leh i ruahmanna inkarah eng milian nge ding?

* Pathianin hmanrua a pek che chu engtin nge i hman tangkai?

* Pathianin engtin nge hmang che sela i duh? I chunga lo thleng turin i beisei em?

*Isua Krista nena inlaichinna neih hnua dawn tur kawng inkawhhmuhna leh venhimna chu i duh em?*

Naktukah engnge lo thleng dawn tih i hriat a ngai lo. I hmalamah engnge awm i hriat a ngai lo; Tu in nge hmalam hun kawl tih i hriat a ngai zawk! I siamtu nena inlaichinna in neih hnuah chuan, a hmangaihna dai thei lo leh a thutiam danglam theilo chu i chang tawh ang.

Isua nena chatuana inlaichinna neih i duh a, bultan i duh chuan hetiang hian tawngtai rawh.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawhtanna atana pawimawh te a thlawnin ka lo thawn ang che.

[Lettu: Sangpuia]