Kawng chhiat vangin August 1 atangin North East Petroleum worker ten Mizorama tlan loh an tum!

Aizawl | July 30, 2025: Mizoram chak lakna kawngpui NH 306 leh 06 chhiat avangin North East Petroleum Mazdoor Union (North East Petroleum Worker Union) chuan August ni 1 aṭangin Mizorama tlan loh an tum.

Thudawnnain a tarlan danin, NH 306 leh 06 hi Oil Tanker-te tan tlan ngamna tura Mizoram Sorkar-in siam ṭhat a tiam chung pawha chetsual hlauhawm khawpa kawng chhia a la awm avangin North East Petroleum Mazdoor chuan August ni 1 aṭangin tiam chin awm lovin Mizoramah tlan loh an tum.

North East Petroleum Mazdoor Union te hian, nimin July 29, 2025 khan IOC - AOD State Office Chief General Manager chu lehkha thawnin, Mizoram tana oil loading leh unload titawp turin an ngen.

Mizoram kawng a chhiat em avangin, an tan a him lo niin an sawi a, an pawl aiawha, Mizoram Oil Tankers Drivers Association-in July 19 tlan loh an lo tihtluk tawh hnuah leh sorkar nena inbiakna a awm hnuah pawh, kawng dinhmunin ziaawm lam a pan chuan loh avangin he thuthlukna hi siam ta an ni.

August 1 atang hian, Kawng a that hma chu, Mizoram-a hman tur tuialhthei phurh loh an tum a ni.