HUN HARSAAH I ṬHIANIN KHAICHHUAK CHE RAWH SE

_Tumruhna Danglam_

By Rick Warren 

— July 29, 2025

“In ritphurhte chu inchhawk tawn rawh u, chutichuan Krista dan thu chu in zawm a ni ang.” Galatia 6:2

I nunah harsatna lian tak i tawh lai chuan, nangmah chauha awm i duhzawk chang atam ang. I lusunna te, i hlawhchhamna te, i tihsual te leh i harsatna te chu nangmah maia paia chinfel i tum maithei a. Hei hi ngaihdan atthlak tak a ni!

Harsatna i tawh lai hi ṭhian i mamawh ber hun lai a ni. I tawrhna leh i thawpiknate chu Pathianin nangmah chauha chinfel tir che a duh lo. Midang inṭanpui tir hi a hrisel em em zawk a ni.

Kan inzawm vek a. Inmamawh tawn tura siam kan ni. Inlaichinna nei ṭheuh kan ni. Eden huana Pathian ṭawngkam hmasa berte zinga mi chu: “LALPA Pathian chuan, "Mihring amah chauhva awm hi a tha lo ve ..." a ti a. (Genesis 2:18). Inlaichinma nei tura siam kan ni.

Bible chuan, “Chau tep tawh chungah chuan a thian a ngilnei tûr a ni a. Engtimtithei tihna hawisantu chungah pawh.” (Joba 6:14).

Beidawng taka i awmlai chuan hetiang hian i sawi a, “Pathian a awm pawh ka ring tawh lo!” Chutih hunah tak chuan i kianga awma rinmaa fuihtu che ṭhian i mamawh a ni. 

Hetiang hian i sawia, “Rinna pawh ka nei tawh lo. Rinhlelhnain ka khat.” Chutih hunah chuan hetianga nangmah fuihphurtu che ṭhian i mamawh a, “Pawi ti suh. I tan kan ring a. Hemi ah hian Pathian kan ring tlat a ni,” tiin.

Bible chuan, “In ritphurhte chu inchhawk tawn rawh u, chutichuan Krista dan thu chu in zawm a ni ang.” (Galatia 6:2). Krista dan chu engnge? Hei hi a ni: Nangmah i in hmangaih angin i vengte hmangaih rawh. Bible chuan inṭanpui tawn turin min ti. Chuvangin harsatna nei midang i ṭanpui apiangin Krista dan i zawm tihna a ni.

Nangmah maia chinfel i tum anih chuan i hahin i thawpik a zual ang. Midang ṭanpuina chu pawm thiam la, i ṭhian chuan khaichhuak che rawh se, Pathian chuan a awmpui reng dawn si che a. Pathian hnathawh chu hmu thei lo mahla, i harsatnaah Pathianin hna a thawk reng a ni.

Ngaihtuah zui atan

* I lusunna leh i lungngaihnaah tuin nge ṭanpui che? Harsatna tawk midang tu nge i ṭanpui ve le?

* Harsatna i tawhin i Kristian ṭhianten engtin nge an ṭanpui che?

* I Kristian ṭhianten an ṭanpuina aṭang chein Pathianah engnge zirchhuah i neih le?

*[Lettu: Sangpuia]*