Governor leh council of minister thu a inkalh? council of minister-in CADC thiahna sut leh an duh!

Aizawl | July 8, 2025: Chakma Autonomous District Council thiah chungchangah Governor leh Council of Minister thu a inkalh? Council of Minister-in CADC thiahna hi sut leh ni se, an ti!

Home Minister K Sapdanga chuan vawiin chhun dar 12 khan, MINECO Conference Hall, Aizawl-ah thuthar thehdarhtute kawmin, Chakma Autonomous District Council thiah chungchanga Mizoram Governor thupek chu, "Democracy zahawmna tihmelhem thei ni hialin kan hria," a ti.

Home Minister chuan, "Governor-in Council of Minister ngaihdan ziaka thlen tura a dil hnuah, Council of Ministers ngaihdan ni lo zawnga thutlukna a siam leh ta tho si hi a vanduaithlak kan ti tak zet a, Democracy zahawmna tihmelhem thei ni hialin kan hria," a ti.

Home Minister chuan, "Hon'ble Governor hian CADC thiahna hi sut leh ni se tih hi Council of Ministers ngaihdan a ni," tiin a sawi bawk.

Home Minister hi District Council and Minority Affairs Minister C Lalsawivunga leh Education Minister Dr Vanlalthlana ten an tawiawm a ni.

1. Chakma Autonomous District Council chu Dated 7th July 2025 (nimin) khan thiah a lo ni ta a, Governor rules hnuaiah dah a ni a. Hemi chungchangah hian, mipuite tana thil ngaihsual palh theih a awma hriat a vangin, thil awmdan sawifiah hi a tula hriat a ni.

2. Chakma Autionomous District Council-ah hian elected member 20 an awm a. Chung zinga member 16 chuan tun hnaiah ZPM party an zawm a. Heng MDC 16-te hian ZPM Legislature party insiamin, CADC sorkar an siam thei a ni tih June 16,2025 khan an lantir a ni.

3. Heng MDC 16-te hi Aizawlah lo pheiin Hon'ble Governor hmaah June 18, 2025 khan an inlan a, MADC-ah ZPM Council sorkar an siam theih thu an thlen a, siamtir turin an dil nghal a ni.

4. Chief Minister Pu Lalduhoma pawhin Hon'ble Governor hnenah, member 16 nei ZPM Legislature Party chu CADC-ah sorkar siamtir mai tha a tih thu a lo thlen tawh bawk a ni.

5. Hon'ble Governor-in Council of Ministers ngaihdan ziaka thlen tura a phut angin Council of Ministers chuan lungrual takin, popular sorkar siam thei an awm chuan Council thiah chu tha a tih loh thu leh, member 16 nei ZPM MDC-te chu CADC-ah sorkar siamtir mai turin, July 5, 2025 khan Hon'ble Governor hnenah ziakin Council of Ministers ngaihdan thlen a ni.

6. Hon'ble Governor-in Council of Minister ngaihdan ziaka thlen tura a dil hnuah, Council of Ministers ngaihdan ni lo zawnga thutlukna a siam leh ta tho si hi a vanduaithlak kan ti tak zet a, Democracy zahawmna tihmelhem thei ni hialin kan hria.

7. Chuvangin, Hon'ble Governor hian CADC a thiahna Notification No A.43016/3/2023- DC&MA(C)/Pt Dated Aizawl the 7th July, 2025 hi sut leh (revoke) ni se tih hi Council of Ministers ngaihdan a ni.

PRESS STATEMENT OF PU K. SAPDANGA, HOME MINISTER, ON DISOLUTION OF CHAKMA AUTONOMOUS DISTRICT COUNCIL (CADC)

@ MINECO Conference Hall, Mizoram; Aizawl.

Dated Aizawl, the 8th July, 2025 (12:00 Noon)

3. Heng MDC 16-te hi Aizawlah lo pheiin Hon'ble Governor hmaah June 18, 2025 khan an inlan a, MADC-ah ZPM Council sorkar an siam theih thu an thlen a, siamtir turin an dil nghal a ni.

4. Chief Minister Pu Lalduhoma pawhin Hon'ble Governor hnenah, member 16 nei ZPM Legislature Party chu CADC-ah sorkar siamtir mai tha a tih thu a lo thlen tawh bawk a ni.

7. Chuvangin, Hon'ble Governor hian CADC a thiahna Notification No A.43016/3/2023- DC&MA(C)/Pt Dated Aizawl the 7th July, 2025 hi sut leh (revoke) ni se tih hi Council of Ministers ngaihdan a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]