BURMA | CNDF leh HPO inkahna hmunah Advocacy group an kal

CNDF leh HPO inkahna hmunah Advocacy group an kal

Aizawl | July 6, 2025: Ni 6 June, 2025 (Pathianni) khan Adviser to CM (Political) Lalmuanpuia Punte hovin advocacy Group te chu Chin National Defence Force (CNDF) leh Hualngo People Organisation (HPO) inkahna hmunah kalin, he hunah hian Dr Lalrina Jahau, MZP President H Lalthianghlima leh AGS C Lalhmingsanga te an kal.

He hunah hian, Advocacy Group te chuan kan unau mangang thlabar a awm te thlamuan tur leh an dinhmun dik tak a hmun a zirchiang turin an kal a, CNDF lam hotute pawh kawm niin, unau leh unau inkara hetiang thil thleng hi Advocacy Group chuan pawi an ti hle a, unau leh unau inkar a ser nung awm reng tawh tur nu nau pawi sawilo lakah eng thil pawi mah tilo turin an chah bawk a ni.

Heng thil thlengah hian silai keng a tu te pawh an inrem vat theih nan Advocacy Group te chuan theihtawp chhuah a hmalak zel an tum a ni.

He hunah hian, khawtlang hruaitu Village Council leh YMA bakah Champhai DC, Champhai SP leh SDO te'n lo dawng sawngin inkawmna hun neih a ni bawk.