CM leh PM-in Myanmar buainain Mizoram a nghawng dan chungchang sawi dun

Aizawl | July 14, 2025: Vawiin khan Chief Minister Lalduhoma chuan Prime Minister Narendra Modi chu a chenna in, Delhi ah a hmu a, inkawmna hun tha tak an nei.

An thil sawidun zingah Thenzawl Peace City Project chungchang te, Aizawl to Thenzawl kawngpui National Highway a siam chungchang te, Handholding Policy hmalakna chungchang te a tel a. Tunhnaia Chin Hills, Myanmar-a buaina in Mizoram a nghawng dan chungchangte pawh an sawi bawk.

Aizawl mipuiten gas cylinder ngai tawh lo a, piped gas connection an neih ve theihna tur IGGL in cheng vaibelchhe 9265 man Gas Pipeline Project thawh hna a kalpui mek chungchang pawh Chief Minister hian a sawipui a. Prime Minister chuan pipeline kaltlangna tur Mamit District DC chu chak lehzuala hma la tura a duh thu Chief Minister hi a lo hrilh a ni.

Chief Minister hian Prime Minister chu Bairabi - Sairang Rel kawng thar leh Sairang Railway Station thar hawn sak turin a sawm a. Prime Minister chuan a hmun ngeiah, hun remchanga rawn hawn a tum tur thu a lo hrilh.