Aizawl | July 9, 2025: Governor-in Chakma Autonomous District Council (CADC) a thiahna Notification No A.43016/3/2023- DC&MA(C)/Pt, Dated Aizawl the 7th July, 2025 hi sut leh (revoke) ni se tia Mizoram Sorkar Council of Ministers-in ngaihdan a siam hi ZPM chuan an thlawp a, "rorelna fawng chelhtute ngaihdan tur dik niin kan ngai," tiin ZPM chuan vawiin khan thuchhuah siamin an tarlang.
Nimin khan MINECO Conference Hall-ah Home Minister K Sapdanga'n Chakma Autonomous District Council (CADC) thiah chungchangah Press Conference neiin, CADC thiah chungchanga an ngaihdan hi a sawi a, Home Minister hi DCMA Minister C Lalsawivunga, IPR&PS Minister Dr Vanlalthlana leh ZPM GS Legal Vanlalsiama Sailo ten an tawiawm a ni.
"Constitution of India, Sixth Schedule Para 14 angin Governor hi autonomous district/region te inrelbawl dan zirchiang tur leh report pe turin Commission din phalsak a ni a, Commission report chu Governor recommendation nen state legislature-ah present tur a ni. Para 16(1) angin zirchianna behchhan hian autonomous district/region te inrelbawlna chu thiah (dissolve) emaw, inthlan that (fresh election) buatsaih theih a ni. Para 16(2) anga CADC hi hna thawk thei lova buaina tawk emaw a ni lo a, Para 16(2) leh Para 20(BB) behchhanin floor test neih a ni hek lo. Tin, Supreme Court case [SR Bommai vs. Union of India (1994)] angin mipui thlan tlinten rorelna chang turin majority an nei em? tih hi executive-te ngaihdan ni lovin, thlan tlin ten floor test hmanga finfiah tur a ni, tih a ni bawk," tiin ZPM chuan an tarlang.
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: