Aizawl | July 2, 2025: BJP Mizoram State President Dr K Beichhua MLA chuan an party pisa-ah thuthar thehdarhtute kawmin, BJP nihphung leh hma lak an tum dante a sawi.
Dr K Beichhua chuan, BJP Mizoram State President a ni chu lawmawm a tih thu sawiin, Prime Minister Narendra Modi leh BJP National President JP Nadda te chungah lawmthu a sawi bawk a, Mizoram mipuite tawiawmna a dil nghal bawk a ni.
BJP Mizoram State President a nih a a rilru a awm hmasa ber chu Thufingte 3:5-6 ah," I thinlung zawng zawngin Lalpa ringla, nangma hriatnaah innghat suh, i kawng zawng zawngah amah hre reng la i kawngte chu a kawhhmuh zel ang che," a nih thu leh a innghahna chang a nih thu a sawi bawk.
BJP State President chuan, "BJP Member lo ni tawh zawng zawngte, Party danga eng emaw avanga lo peng te kan awm a ni thei a, nimahsela, tunah hian Mizoram leh hnamin hma a sawn zel theihna turin BJP ah lo kir leh vek turin ka sawm tak meuh meuh che u a, Mizoram mipuite, thalai lehkha thiam tak takte hma bak eng kan neih theihna tur atana BJP a lo lut a Mizoram tana hnathawh kawr min hakpui turin ka sawm vek che u," a ti bawk.
An hmalakna tur leh an tihtur pawimawh hmasa a sawite:
1. Mizoram a cheng hnam hrang hrangte inpumkhatna tha kan neih zel na tur leh kan Identity, kan Culture leh kan Tradition hum him.
2. Kan Sakhua, Christianity vawn nun a, hma a sawn zel theih nan a hma lak.
3. BJP Mizoram a dinhmun ni mek na atanga hmasawn tur a, Grassroot Level, District hrang hrang a Unit Level ti chak tur a hmalak.
4. Christian te tan BJP a hlauhawm ti a Mizoram mipuite rilru hruaisual a awm tawh siam that.
5. BJP Member a te ber atanga a lian ber thleng a thawh hona tha kan neihna tur atana hmalak.
6. Kum 2028 MLA General Election lo awm tur ah a tam thei ang ber BJP MLA neih a, Sorkarna siam.
7. Mizoram in kawng hrang hranga hmasawnna kawng kan zawhna tur atana hma lak a, Vikshit India 2047 tih anga Vikshit Mizoram 2047 a thlen theih nana hma lak.
8. Mizoram Road Connectivity chungchang a kawng chhe lutuk hi a vanduaithlak em em a, NH 06 Kawnpui to Khamrang inkar kawngpui hi MPWD chan niin, thal lai pawhin kawng a tha lo hle mai a, Mizoram chaklakna pawimawh tak ani. He hmun a Mizoram Truck Owner Association tena Mizoram mipuite hmakhua ngaia hnatlanga kawng an siam tha hi a lawm awm hle a, BJP chuan kan kawng pawimawh hi fur leh thal a tha taka Motor a tlan theih nan hma kan la dawn a ni.
9. ATL ROAD tuna kawng chhiat vanga kan buai mekna pawh BJP chuan kan ngaipawimawh hle dawn a, Mipui ten kawng chhiat vanga harsatna kan tawk nawn tawh loh nan a hmalak.
10. Kadan Multi Model Transit Transport Road pawh Mizoram Sorkar in Compensation apek theih loh vanga a hmalak theih loh pawh, BJP Sorkar ah chuan arang thei ang ber a chinfel.
11. Pathian leh kan hotute duhsakna avanga President ah ka awm ve ta a, ka hun chhung hian Central lamah Mizoram hmasawnna tur atana theih tawp chhuah hmalak hi kan tum bawk a ni.
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: