August 1 atangin Aizawlah lirthei intlanchhawk dan thar hmang dawn; kawngpui thlan bikah chauh tlan loh ni a awm tawh dawn

Aizawl | July, 2025: Traffic Sr. Superintendent of Police Mizoram Ruatsanga Ralte, chuan vawiin khan thuthar thehdarhtute kawmin, Mipui hmakhaw ngaiin August 1 atangin Aizawlah lirthei intlanchhawk dan thar hmang dawn tih a sawi a, lirthei intlanchhawk hian Aizawl khawpui chhung kawngpui lun zual chauh a huam tawh dawn a ni.

Co-Ordination Committee on Traffic Management (CCTM) Meeting minutes vide Memo No.M-13/209/2025-UD&PA Dt.22.07.2025-in Aizawl khawpui chhunga lirthei intlanchhawk dan tur a ruahman leh Section 115 of MV Act, 1988-in thuneihna a pek angin Traffic Sr. Superintendent of Police Mizoram Ruatsanga Ralte, chuan ni 01.08.2025 atanga ni 30.08.2025 thlenga enchhin turin lirthei tlandan tur ruahmanna hi a siam.

Lirthei intlanchhawkin a huam chin tur kawngpui:

Bawngkawn leh Kulikawn inkar main road:

Chaltlang leh Ramhlun peng, Bawngkawn atanga Kulikawn (Ngaizel, Tlangnuam leh Pika Road peng thleng) inkar via Chaltlang/ Ramhlun (Laldenga Road) - Chanmari - Lower & Upper Zarkawt - Dawrpui - Upper Khatla - Sikulpuikawn - Kulikawn.

Sikulpuikawn leh Khatla inkar:

Sikulpuikawn atanga MINECO peng (Marova Point)/ 23 sector A.R gate bul thleng via Peter Street, Khatla.

Khatla leh Vaivakawn inkar: Khatla Kawn atanga Vaivakawn Taxi Stand, Bazar Bungkawn peng thleng via Temple Square.

Kawngpui dung tarlan loh zawngah chuan tlan theih vek a ni ang a, hei hian lirthei entry period nei hrangte erawh a huam lo.

Lirthei zawng zawng (mimal motor, sorkar motor leh bungraw phur lirthei leh District dang lirthei leh State pawna lirthei register te pawh huamin) intlanchhawk hian zing dar 9:30 atanga tlai dar 6:90 thleng a huam dawn a. Lirthei intlanchhawk hian Inrinni (Saturday), Pathianni (Sunday) leh Sorkar Holiday te a huam lo ang.

Intlanchhawkin a huam loh tur lirthei; Public Notice vide No.RO/TRF/SP-Noti-7/08/2064 Dt.19.2.2022 hmanga lo chhuah tawh chu hman chhunzawm zel tur a ni.

5Taxi (LMV leh Two-Wheelers) te tlan dan tur:

Taxi (LMV leh Two wheeler) te chu Group nga (5) A, B, C, D leh E ah then an ni ang a. Kar khat chhungin group tinin nikhat zel tlan loh ni an nei ang.

Taxi intlanchhawk hian Thawhtanni atanga Zirtawpni apíangin zing 09:30 atanga tlai dar 6:00 inkar a huam ang. Taxi intlanchhawk hian Inrinni leh Pathianni te a huam lo ang.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]